Pope Francis:पोप फ्रान्सिस यांचे वयाच्या 88 व्या वर्षी निधन
पोप फ्रान्सिस आता आपल्यात नाहीत. सोमवार, 21 एप्रिल 2025रोजी वयाच्या 88 व्या वर्षी त्यांचे निधन झाले. त्यांनी व्हॅटिकनमधील कासा सांता मार्टा या त्यांच्या निवासस्थानी अखेरचा श्वास घेतला. काल, ईस्टरच्या निमित्ताने, ते बऱ्याच दिवसांनी लोकांसमोर आले
पोप फ्रान्सिस बऱ्याच काळापासून आजारी होते. जवळजवळ एक महिना रुग्णालयात उपचार घेतल्यानंतर पोप 24 मार्च रोजी त्यांच्या निवासस्थानी, कासा सांता मार्टा येथे परतले. रुग्णालयातून परत आल्यावर त्यांनी रुग्णालयाबाहेर जमलेल्या मोठ्या संख्येने लोकांना आशीर्वाद दिला. पोपला सार्वजनिक ठिकाणी पाहून लोक खूप आनंदी दिसत होते आणि त्यांनी जल्लोषही केला.
14 फेब्रुवारी रोजी त्यांना रुग्णालयात दाखल करण्यात आले. त्यांना दुहेरी न्यूमोनिया झाला होता. रुग्णालयात डॉक्टरांच्या देखरेखीखाली त्यांच्यावर उपचार करण्यात आले. एका महिन्यापेक्षा जास्त काळ रुग्णालयात राहिल्यानंतर त्यांना डिस्चार्ज देण्यात आले.
पोप फ्रान्सिस यांनी त्यांच्या शेवटच्या संदेशात गरजूंना मदत करण्याचे, भुकेल्यांना अन्न देण्याचे आणि विकासाला चालना देणाऱ्या उपक्रमांना प्रोत्साहन देण्याचे आवाहन केले. ईस्टरच्या दिवशी प्रसिद्ध झालेल्या संदेशात त्यांनी लिहिले की, 'मी आपल्या जगात राजकीय जबाबदारीच्या पदांवर असलेल्या सर्वांना भीतीला बळी पडू नये असे आवाहन करतो.
Edited By - Priya Dixit
