संबंधित माहिती
- USA: 80 वर्षीय बायडेन दुसऱ्यांदा अमेरिकेच्या अध्यक्षपदासाठी निवडणूक लढवणार
- Sudan Clash: सुदान हिंसाचाराच्या दरम्यान फ्रान्सच्या पुढाकाराने भारतीय नागरिकांसह 28 देशांतील लोकांना बाहेर काढले
- Sudan War: सुदानमधून अमेरिकन दूतावासाच्या अधिकाऱ्यांना सुरक्षितपणे बाहेर काढले
- Israel:जेरुसलेममधील प्रार्थनास्थळावर दहशदवादी हल्ला, आठ ठार
- अंडरवर्ल्ड डॉन दाऊद इब्राहिमने केले दुसरे लग्न
Russia- Ukrine: युक्रेनच्या सीमेवर स्फोटानंतर रशियन मालवाहू गाडी रुळावरून घसरली
रशिया आणि युक्रेनमध्ये गेल्या एक वर्षाहून अधिक काळ युद्ध सुरू आहे. सध्या तरी हे युद्ध थांबण्याची शक्यता नाही. दरम्यान, रशियामध्ये युक्रेन सीमेजवळ मालवाहू ट्रेनला अपघात झाल्याची माहिती समोर आली आहे. मीडिया रिपोर्ट्सनुसार, हा अपघात ब्रायन्स्क आणि उनेचा शहरांदरम्यान झाला. येथे स्फोटानंतर मालगाडी रुळावरून घसरली. या अपघाताचा बळी ठरलेल्या मालगाडीत स्फोटकं ठेवली जात असल्याचं सांगण्यात येत आहे.
ब्रायन्स्कचे गव्हर्नर अलेक्झांडर बोगोमाज यांनी या अपघाताला दुजोरा दिला आहे. गव्हर्नर म्हणाले की सोमवारी युक्रेनच्या सीमेला लागून असलेल्या ब्रायन्स्कच्या पश्चिम भागात स्फोटक स्फोट झाल्यानंतर एक रशियन मालवाहू गाडी रुळावरून घसरली. त्यांनी टेलिग्रामवरील एका चॅनेलद्वारे सांगितले की अज्ञात स्फोटक यंत्राचा स्फोट झाला, परिणामी मालगाडीचे इंजिन रुळावरून घसरले. मात्र, यामध्ये कोणतीही जीवितहानी झालेली नाही.
ब्रायन्स्क प्रदेशात एका ट्रेनचे अनेक टँकर जमिनीवर उलटे पडलेले दिसतात. तसेच तेथे धुराचे लोट उडताना दिसत आहेत.
गेल्या वर्षी 24 फेब्रुवारी रोजी रशियाने युक्रेनवर युद्धाची घोषणा केली होती. त्यानंतर रशियाचे राष्ट्राध्यक्ष व्लादिमीर पुतिन यांनी याला 'मिलिटरी ऑपरेशन' म्हटले होते.
Edited By - Priya Dixit
