संबंधित माहिती
- Accident in Mexico: उत्तर मेक्सिकोमध्ये बस आणि प्रवाशांनी भरलेल्या ट्रकमध्ये भीषण टक्कर, 19 जणांचा मृत्यू
- अमेरिकेत आणखी एका भारतीय विद्यार्थ्याची हत्या, विद्यापीठातून बेपत्ता झाला होता
- हृदयद्रावक ! लग्नाच्या 18 तासांनंतर नवरीचा मृत्यू
- जॉर्डनमधील अमेरिकन तळावर ड्रोन हल्ल्यात तीन सैनिक ठार, अनेक जखमी
- फ्रान्समध्ये 'मोनालिसा'च्या चित्रावर फेकले सूप
अंटार्क्टिकामध्ये बर्ड फ्लूच्या विषाणूचा धोका वाढला
अंटार्क्टिका प्रदेशात असलेल्या दक्षिण जॉर्जिया बेटावर एका किंग पेंग्विनचा मृत्यू झाला आहे. बर्ड फ्लूच्या विषाणूच्या संसर्गामुळे पेंग्विनचा मृत्यू झाल्याचा संशय व्यक्त केला जात आहे. विषाणूमुळे मृत्यू झाल्याची पुष्टी झाल्यास, बर्ड फ्लूमुळे किंग पेंग्विनचा मृत्यू होण्याची ही पहिलीच वेळ असेल. H5N1 (बर्ड फ्लू) विषाणूमुळे अंटार्क्टिकाच्या दुर्गम भागात पेंग्विनच्या मृत्यूच्या शक्यतेवर शास्त्रज्ञांनी तीव्र चिंता व्यक्त केली आहे.
पेंग्विनमध्ये बर्ड फ्लू पसरला तर त्याचे गंभीर परिणाम होऊ शकतात आणि ती आधुनिक काळातील सर्वात मोठी पर्यावरणीय आपत्तीही ठरू शकते. अंटार्क्टिका हा जगातील एकमेव प्रदेश होता जिथे H5N1 बर्ड फ्लूचा विषाणू यापूर्वी आढळला नव्हता आणि बर्ड फ्लू विषाणूचा संसर्ग किंग पेंग्विनमध्ये यापूर्वी कधीही दिसला नव्हता. त्यामुळे बर्ड फ्लूमुळे किंग पेंग्विनचा मृत्यू होण्याची शक्यता शास्त्रज्ञांना वाटत आहे.
बर्ड फ्लूच्या संभाव्य विषाणूमुळे मरण पावलेला पेंग्विन हा किंग प्रजातीचा आहे, जो जगातील पेंग्विनच्या दुसऱ्या क्रमांकाचा सर्वात मोठा प्रजाती आहे. हे 3 फूट उंच पेंग्विन 20 वर्षांहून अधिक काळ जगू शकतात. किंग पेंग्विनच्या आधी पेंग्विनच्या जेंटू प्रजातीचा बर्ड फ्लूच्या विषाणूमुळे मृत्यू झाला होता. यापूर्वी दक्षिण आफ्रिका, चिली आणि अर्जेंटिनामध्ये पेंग्विनसह अर्धा दशलक्षाहून अधिक समुद्री पक्षी बर्ड फ्लूमुळे मरण पावले आहेत. पेंग्विनमध्ये बर्ड फ्लूच्या संसर्गाचा धोका जास्त असल्याचे स्पष्ट झाले आहे.
Edited By- Priya Dixit
