चहलने हृदयद्रावक किस्सा शेअर केला - एका क्रिकेटरने दारू पिऊन त्याला 15 व्या मजल्यावरून बाल्कनीत लटकवले होते
टीम इंडियाचा स्टार फिरकीपटू युजवेंद्र चहल बऱ्याच दिवसांपासून इंडियन प्रीमियर लीग (IPL) मध्ये खेळत आहे. 2014 मध्ये रॉयल चॅलेंजर्स बंगलोर (RCB) मध्ये सामील होण्यापूर्वी तो मुंबई इंडियन्सचा भाग होता. या मोसमात चहल राजस्थान रॉयल्सकडून खेळत आहे. अश्विन आणि चहल दोघेही राजस्थान रॉयल्सकडून एकत्र खेळत आहेत. राजस्थान रॉयल्सने एक व्हिडिओ शेअर केला आहे, ज्यामध्ये अश्विन, करुण नायर चहलसोबत क्रिकेटवर चर्चा करताना दिसत आहेत. या चर्चेदरम्यान चहलने एक धक्कादायक किस्सा शेअर केला. 2013 च्या आयपीएलमध्ये त्याचा जीव कसा वाचला हे त्याने सांगितले.
चहलने या व्हिडिओमध्ये म्हटले आहे की, 'मी ही स्टोरी कधीच सांगितली नाही, परंतु आता लोकांना याबद्दल माहिती होईल. 2013 मध्ये मी मुंबई इंडियन्स संघाचा भाग होतो. आमचा बंगळुरूमध्ये सामना होता. सामना संपल्यानंतर भेट झाली. तेव्हा एक खेळाडू दारूच्या नशेत होता, त्याचे नाव मी घेणार नाही. तो खूप नशेत होता. तो बराच वेळ माझ्याकडे पाहत होता, मग त्याने मला हाक मारली.
