Video call रोहित शर्माला बायकोचा व्हिडीओ कॉल

Publish: Wed, 12 Apr 2023 (10:37 IST) Updated: Thu, 21 Aug 2025 (11:38 IST)

Twitter

 नवी दिल्ली : भारतीय क्रिकेट संघाचा कर्णधार आणि अनुभवी सलामीवीर रोहित शर्मा दीर्घकाळापासून आयपीएलमध्ये मोठी खेळी खेळण्यात अपयशी ठरत होता. त्याने अर्धशतक झळकावून काही काळ लोटला आहे. पण मंगळवारी दिल्ली कॅपिटल्स आणि मुंबई इंडियन्स यांच्यात झालेल्या सामन्यात हिटमॅनची बॅट खूप काही बोलली. दिल्लीविरुद्ध रोहित त्याच्या विंटेज फॉर्ममध्ये दिसला. त्याने चौकार आणि षटकारांचा जोरदार पाऊस पाडला. यासह रोहितने 24 डावांनंतर आयपीएलमध्ये अर्धशतक ठोकले.

 एवढेच नाही तर रोहितने 65 धावांची अप्रतिम खेळी खेळली, ज्यासाठी त्याला प्लेयर ऑफ द मॅचचा पुरस्कारही देण्यात आला. हिटमॅनने केवळ फलंदाजीच केली नाही तर मुंबई इंडियन्सने आयपीएल 2023 मध्ये दिल्लीविरुद्ध पहिला विजयही नोंदवला. एमआयने कॅपिटल्सचा त्यांच्या घरच्या मैदानावर 6 गडी राखून पराभव केला. हा सामना अतिशय रोमांचक असला तरी पण शेवटी मुंबई जिंकली. त्यामुळे अशाप्रकारे पाहिले तर कर्णधार रोहितसाठी हा सामना अप्रतिम होता. तो बॅटने चमत्कार करू शकला, संघ जिंकला, कर्णधारपदही चांगले होते. त्यामुळे सर्व काही सुरळीत झाल्यानंतर रोहितने दिवसअखेरीस हा सामना आणखी संस्मरणीय बनवला. 

https://twitter.com/mipaltan/status/1645868486923517953

 सामन्यानंतर रोहित शर्मा त्याची पत्नी रितिका सजदेहशी व्हिडिओ कॉलवर बोलताना दिसला, ज्याचा व्हिडिओ मुंबई इंडियन्सने स्वतः त्यांच्या अधिकृत खात्यावर शेअर केला आहे. कॉल दरम्यान हिटमॅन खूप आनंदी दिसत होता. त्याने आपला खास दिवस आपल्या पत्नीसोबत व्हिडिओ कॉलवर साजरा केला, ज्याचा व्हिडिओ आता चर्चेत आहे. याशिवाय सामन्याबद्दल बोलायचे झाले तर दिल्ली कॅपिटल्सने मुंबई इंडियन्ससमोर प्रथम फलंदाजी करताना 173 धावांचे लक्ष्य ठेवले होते, जे मुंबईने शेवटच्या चेंडूवर 6 विकेट्स राखून पूर्ण केले.
Edited by : Smita Joshi