IPL 2024: पहिल्या क्वालिफायरमध्ये हैदराबादचा सामना कोलकाताशी

Publish: Mon, 20 May 2024 (16:00 IST) Updated: Mon, 20 May 2024 (16:02 IST)

IPL 2024 च्या लीग टप्प्यातील सामने संपले आहेत. आता अंतिम लढत सुरू होईल. रविवारी राजस्थान रॉयल्स आणि कोलकाता नाईट रायडर्स यांच्यात होणारा सामना रद्द करण्यात आला. दोन्ही संघांच्या खात्यात प्रत्येकी एक गुण जमा झाली आहे. आता हैदराबादचे 18 तर राजस्थानचे 17 गुण आहेत. दोन्ही संघ गुणतालिकेत अनुक्रमे दुसऱ्या आणि तिसऱ्या स्थानावर आहेत. त्याचवेळी कोलकाता पहिल्या स्थानावर तर आरसीबी चौथ्या स्थानावर आहे.

पहिला क्वालिफायर सामना 21 मे रोजी कोलकाता नाईट रायडर्स आणि सनरायझर्स हैदराबाद यांच्यात होणार आहे. दरम्यान, 22 मे रोजी एलिमिनेटरमध्ये राजस्थान रॉयल्सचा सामना रॉयल चॅलेंजर्स बंगळुरूशी होणार आहे. यानंतर क्वालिफायर-2 चेन्नईत 24 मे रोजी होणार आहे. क्वालिफायर-1 मध्ये पराभूत झालेला संघ आणि एलिमिनेटर जिंकणारा संघ यांच्यात हा सामना खेळला जाईल. 26 मे रोजी क्वालिफायर-1 आणि क्वालिफायर-2 मधील विजेत्या संघांमध्ये चेपॉक येथे अंतिम सामना खेळवला जाईल.

आयपीएल 2024 मधील राजस्थान रॉयल्स आणि कोलकाता नाईट रायडर्स यांच्यातील शेवटचा लीग सामना रविवारी न खेळता रद्द करण्यात आला. या सामन्याचा नाणेफेक 10:30 वाजता झाला जो केकेआरने जिंकला आणि प्रथम गोलंदाजी करण्याचा निर्णय घेतला. मात्र, सामना सुरू होण्यापूर्वी पावसाने पुन्हा एकदा प्रवेश केला. यानंतर सामना रद्द करण्यात आला.

Edited by - Priya Dixit