RR vs GT:राजस्थान संघ गुजरात विरुद्ध सामना आज, प्लेइंग 11 जाणून घ्या

Publish: Wed, 10 Apr 2024 (16:20 IST) Updated: Wed, 10 Apr 2024 (16:24 IST)

आज IPL 2024 च्या 24 व्या सामन्यात राजस्थान रॉयल्सचा सामना गुजरात टायटन्सशी होत आहे. शुभमनच्या नेतृत्वाखालील गुजरात संघासाठी हा सामना खूप महत्त्वाचा आहे, कारण हा संघ सध्या चार गुणांसह गुणतालिकेत सातव्या स्थानावर आहे. हळूहळू आयपीएलची उत्कंठा वाढत आहे आणि सर्व संघ प्लेऑफसाठी आपापल्या परीने प्रयत्न करत आहेत. संजू सॅमसनच्या नेतृत्वाखालील राजस्थान संघ हा एकमेव संघ आहे ज्याने आतापर्यंत एकही सामना गमावलेला नाही. चार सामन्यांत त्यांचे आठ गुण आहेत आणि ते गुणतालिकेत अव्वल स्थानावर आहेत. त्याच वेळी, चार संघांचे प्रत्येकी सहा गुण आहेत. दोन संघांचे प्रत्येकी चार गुण आणि तीन संघांचे प्रत्येकी दोन गुण आहेत. अशा स्थितीत या वेळी अंतिम चारमध्ये पोहोचण्याची लढत अत्यंत रंजक असणार आहे. 

दोन्ही संघांमध्ये आतापर्यंत एकूण पाच सामने झाले आहेत. गुजरातने यापैकी चार सामने जिंकले आहेत, तर राजस्थान संघाने केवळ एकच सामना जिंकला आहे. मात्र, गुजरातने जे चार सामने जिंकले ते हार्दिक पांड्याच्या नेतृत्वाखाली होते. आता तो मुंबईला गेला आहे. मात्र, पाचही सामन्यांमध्ये राजस्थानसाठी एकच कर्णधार राहिला आहे.राजस्थानला पुन्हा एकदा फलंदाजीत बटलर, सॅमसन आणि पराग यांच्याकडून मोठ्या अपेक्षा असतील. त्याचबरोबर गोलंदाजीमध्ये ट्रेंट बोल्ट, नांद्रे बर्जर, अश्विन आणि चहल चांगल्या फॉर्ममध्ये आहेत.गुजरातला जिंकायचे असेल तर साई सुदर्शन, शुभमन गिल आणि केन विल्यमसन, म्हणजेच पहिल्या तीन खेळाडूंना मोठी खेळी खेळावी लागेल.

संभाव्य प्लेइंग-11 दोन्ही संघ

गुजरात टायटन्स: साई सुदर्शन, शुभमन गिल (कर्णधार), केन विल्यमसन, शरथ बीआर (यष्टीरक्षक), विजय शंकर, राहुल तेवतिया, रशीद खान, नूर अहमद, उमेश यादव, स्पेन्सर जॉन्सन, दर्शन नळकांडे. (इम्पॅक्ट सब: मोहित शर्मा).

राजस्थान रॉयल्स: यशस्वी जैस्वाल, जोस बटलर, संजू सॅमसन (कर्णधार आणि यष्टिरक्षक), रियान पराग, ध्रुव जुरेल, शिमरॉन हेटमायर, रविचंद्रन अश्विन, ट्रेंट बोल्ट, आवेश खान, नांद्रे बर्गर, युझवेंद्र चहल.  शुभम दुबे

Edited by - Priya Dixit