SRH vs RCB : विजयी मार्गावर परत येण्यास उत्सुक बेंगळुरूचा हैदराबादशी सामना

Download

Updated: Mon, 15 Apr 2024 (17:08 IST)

आयपीएल 2024 च्या 30 व्या सामन्यात आज रॉयल चॅलेंजर्स बंगलोरचा सामना 2016 च्या चॅम्पियन सनरायझर्स हैदराबाद संघाशी होत आहे. हा सामना बेंगळुरूच्या चिन्नास्वामी स्टेडियमवर होणार आहे. पॅट कमिन्सच्या नेतृत्वाखालील हैदराबाद संघ गुणतालिकेत चौथ्या स्थानावर आहे. त्याचबरोबर बेंगळुरू संघ 10व्या स्थानावर आहे.

आरसीबी संघ आज विजय मिळवून गुणतालिकेत आपले स्थान सुधारण्याचा प्रयत्न करेल. त्याचवेळी टॉप-थ्रीमध्ये पोहोचण्यासाठी हैदराबादची नजर असेल.रॉयल चॅलेंजर्स बंगलोर आणि सनरायझर्स हैदराबाद यांच्यातील आयपीएल 2024 चा 30 वा सामना सोमवार, 15 एप्रिल रोजी बेंगळुरूच्या चिन्नास्वामी स्टेडियमवर खेळवला जाईल.  सामना भारतीय वेळेनुसार संध्याकाळी साडेसात वाजता खेळवला जाईल. नाणेफेक त्याच्या अर्धा तास आधी म्हणजेच संध्याकाळी 7 वाजता होईल. 

बंगळुरू आणि हैदराबादमध्ये आतापर्यंत एकूण 23 सामने खेळले गेले आहेत. यापैकी बंगळुरूने 10 आणि हैदराबादने 12 सामने जिंकले आहेत. चिन्नास्वामी येथे या दोघांमध्ये आठ सामने खेळले गेले आहेत. यापैकी बेंगळुरूने पाच आणि हैदराबादने दोन सामने जिंकले आहेत. एक सामना अनिर्णित राहिला. उभय संघांमध्ये झालेल्या गेल्या पाच सामन्यांपैकी बंगळुरूने तीन आणि हैदराबादने दोन जिंकले आहेत. बेंगळुरूने गेल्या दोन सामन्यांमध्ये हैदराबादचा पराभव केला असून डुप्लेसिसचा संघ या हंगामात सलग तिसरा विजय मिळविण्याचा प्रयत्न करेल. हैदराबादने आतापर्यंत पाचपैकी तीन सामने जिंकले असून त्यांचे सहा गुण आहेत. त्याच वेळी, बेंगळुरूने सहापैकी पाच सामने गमावले आहेत आणि फक्त एक जिंकला आहे. 

दोन्ही संघांचे संभाव्य प्लेइंग-11

रॉयल चॅलेंजर्स बंगळुरू: विराट कोहली, फाफ डू प्लेसिस (कर्णधार), विल जॅक, रजत पाटीदार, ग्लेन मॅक्सवेल/कॅमरॉन ग्रीन, महिपाल लोमरोर, दिनेश कार्तिक (विकेटकीपर), रीस टोपली, विजयकुमार विशाक, आकाश दीप, मोहम्मद सिराज ( सौरव चौहान)

सनरायझर्स हैदराबाद: ट्रॅव्हिस हेड, अभिषेक शर्मा, एडन मार्कराम, नितीश रेड्डी, हेनरिक क्लासेन, अब्दुल समद, शाहबाज अहमद, पॅट कमिन्स, भुवनेश्वर कुमार, जयदेव उनाडकट, टी. नटराजन (राहुल त्रिपाठी/मयांक अग्रवाल)

Edited By- Priya Dixit