शुक्रवार, 29 मार्च 2024
  1. मराठी बातम्या
  2. ऑटोमोबाइल
  3. आयटीच्या जगात
Written By
Last Modified: बुधवार, 20 मे 2020 (14:34 IST)

CBI अलर्ट : स्मार्टफोन युझर्सला Cerberus व्हायरसचा धोका

सीबीआयने अलर्ट जाहीर करुन स्मार्टफोन यूजर्सला सावध राहण्याची गरज असल्याचे म्हटले आहे. सीबीआयने इशारा जारी करत म्हटले की देशभरातील पोलीस खात्यांनी आणि सुरक्षा यंत्रणांनी एका मालवेअरवर लक्ष ठेवण्याची गरज आहे. 
 
करोनासंदर्भातील माहिती आणि लिंक असल्याचे सांगून अनेक स्मार्टफोनमधून सर्बेरस (Cerberus) या ट्रोजनच्या माध्यमातून खासगी माहिती चोरली जात आहे. तसेच फिशींग (phishing) प्रकारच्या सायबर हल्ल्याच्या माध्यमातून आर्थिक लूट केली जाते आहे. यासंदर्भातील इशारा सीबीआयने जारी केला आहे. सीबीआयने दिलेल्या माहितीनुसार, इंटरपोलने दिलेल्या माहितीच्या आधारे अ‍लर्ट जारी करण्यात आल्याचे म्हटले आहे. 
 
करोनामुळे जगभरामध्ये दहशत पसरल्याचा फायदा घेतला जात असून करोनासंदर्भात माहिती जाणून घेण्यासाठी ट्रेण्डचा गैरफायदा घेत आर्थिक फसवणूक करण्याच्या उद्देशातून सर्बेरसचा वापर केला जात आहे. सर्बेरसच्या माध्यमातून करोना संदर्भात अधिक माहिती जाणून घेण्याचे मेसेज यूजर्सला पाठवले जातात. करोनासंदर्भातील महत्वाची माहिती असल्याचे भासवून अधिक वाचण्यासाठी लिंकवर क्लिक करण्यास सांगितले जाते. आणखी लिंकवर क्लिक करताच ट्रोजन स्मार्टफोनमध्ये इन्सॉटल होतो.
 
Cerberus हा ट्रोजन अंत्यत धोकादायक असून याने युजर्सची खासगी माहिती चोरीला जाण्याची शक्यता असते. बँकींगसंदर्भातील माहितीसाठी सर्बेरस खूप धोकादायक असल्याचे सीबीआयने म्हटले आहे. 
 
युजर्सच्या आर्थिक व्यवहारांसंबंधी माहीती जसे क्रेडीट/डेबिट कार्ड डिटेल्स आणि इतर महत्वाची माहिती ट्रोजन चोरी करतो. जे अत्यंत धोकादायक असल्याचे सांगितले गेले आहे.