संबंधित माहिती
- चुकुनही डाउनलोड करु नका Spider-Man ची नवीन मूव्ही, खिशाला कात्री लागू शकते
- Whatsappवर ही करता येईल Jio प्रीपेड रिचार्ज, नवीन फीचर लवकरच सुरू होणार आहे
- Ola Electric Scooter Delivery: ओला इलेक्ट्रिक स्कूटी ची डिलिव्हरी सुरु ,जाणून घ्या वैशिष्टये
- सर्वात स्वस्त मोबाईल रिचार्ज : जिओ चा एक रुपयात 30 दिवसांची वैधता सह 100 MB डेटा प्लान
- कोरोना लसीकरण न केलेल्या कर्मचाऱ्यांच्या नोकऱ्या धोक्यात, गुगल अशा लोकांना काढून टाकेल
Googleने या धोकादायक Appवर बंदी घातली, लगेच करा डिलीट, 5 लाख लोकांनी केले डाऊनलोड
जर तुम्ही अँड्रॉईड स्मार्टफोन वापरत असाल तर तुम्हाला काळजी घेणे आवश्यक आहे. गुगल प्ले स्टोअरवर एक अॅप सापडले आहे, जे धोकादायक मालवेअरने त्रस्त होते. मोठी गोष्ट म्हणजे या अॅपला गुगल प्ले स्टोअरवर ५ लाखांहून अधिक डाऊनलोड्स मिळाले आहेत. रिपोर्टनुसार, अॅपमध्ये जोकर मालवेअर (Joker Malware)सापडला आहे. सर्व युजर्सना हे अॅप त्वरित डिलीट करण्याचा सल्ला देण्यात येत आहे, अन्यथा त्यांचे मोठे नुकसान होऊ शकते.
रिपोर्टनुसार, एवढ्या मोठ्या प्रमाणात युजर्ससाठी धोका निर्माण करणाऱ्या अॅपचे नाव कलर मेसेज (Color Message) आहे. हे अॅप इमोजीसह एसएमएस मजकूर पाठवणे अधिक मजेदार बनवण्याचा दावा करते. Google Play Store वरील हे अॅप प्रथमदर्शनी सुरक्षित वाटते. परंतु मोबाईल सिक्युरिटी सोल्युशन्स फर्म Pradeo च्या टीमला असे आढळले की कलर मेसेज प्रत्यक्षात जोकर मालवेअरने संक्रमित आहे.
अशा प्रकारे लागतो चुना
सिक्युरिटी फर्मने या जोकर मालवेअरला फ्लीसवेअरच्या श्रेणीत ठेवले आहे. वापरकर्त्यांच्या परवानगीशिवाय प्रीमियम सेवेची सदस्यता घेणे हे या अॅपचे मुख्य कार्य आहे. आश्चर्याची गोष्ट म्हणजे, मालवेअर शोधणे जवळपास एक वर्ष जुने आहे परंतु तरीही ते 16 डिसेंबरपर्यंत Google Play Store वर उपलब्ध होते. मात्र, गुगल प्ले स्टोअरने या अॅपवर स्टोअरमधून बंदी घातली आहे.
