मतदानाचा शेवटचा टप्पा: योगी आदित्यनाथ, जेपी नड्डा आणि अफजल अन्सारी मतदानानंतर काय म्हटले?
लोकसभेच्या सातव्या आणि शेवटच्या टप्प्यासाठी आज मतदान होत आहे. सकाळीच मतदानाला सुरुवात झाली आहे.
सातव्या आणि अखेरच्या टप्प्यात 57 जागांवर मतदान होत आहेत. त्यानंतर मंगळवारी 4 जून रोजी निकाल लागणार आहेत.
उत्तर प्रदेशचे मुख्यमंत्री योगी आदित्यनाथ यांनी गोरखपूरमध्ये मतदान केले. गोरखपूरचे भाजप उमेदवार रवी किशनही यावेळी मतदान केंद्रावर रांगेत उभे असल्याचं पाहायला मिळालं.
भाजपचे राष्ट्रीय अध्यक्ष जेपी नड्डा यांनी हिमाचल प्रदेशात मतदानाचा हक्क बजावला. बूथवर पहिलं मतदान करण्याचा मान मिळाला, असं नड्डा मतदानानंतर म्हणाले.
तर योगी आदित्यनाथ यांनी,“आज मतदानाचा शेवटचा टप्पा पार पडत आहे. हवामानाचा विचार करता प्रतिकूल परिस्थिती असतानाही मतदारांनी उत्साह दाखवला,” असं म्हटलं.
योगी आदित्यनाथ यांनी पंतप्रधान नरेंद्र मोदी यांच्या कन्याकुमारीतील ध्यानाबाबतही वक्तव्य केलं.
“मोदीजींची ही आराधना राष्ट्र आराधना आहे. 140 कोटी लोकांच्या सेवेसाठी आणि उज्ज्वल भविष्यासाठी समर्पित भारत मातेच्या चरणी केलेली ही आराधना आहे. भ्रष्टाचार आणि गैरव्यवहारात गुंतलेल्यांना आध्यात्मिक आराधना समजू शकत नाही. ते समजून घेण्यासाठी भारताच्या सनातन मूल्यांप्रती निष्ठा गरजेची आहे," असं योगी म्हणाले.
गाझीपूरमधील इंडिया अलायन्सचे उमेदवार अफजल अन्सारी यांनी4 जूनची वाट पाहा, इंडिया आघाडी सरकार सत्तेत येणार आहे, असं म्हटलं.
Published By- Dhanashri Naik
