नागपुरात मतदानानंतर ईव्हीएम घेऊन जाणाऱ्या गाडीवर हल्ला, व्हिडिओ वायरल
Nagpur News : महाराष्ट्र विधानसभा निवडणुकीसाठी बुधवारी 20 नोव्हेंबर रोजी उपराजधानी नागपुरात संध्याकाळी काही लोकांनी इलेक्ट्रॉनिक वोटिंग मशिन (ईव्हीएम) स्ट्राँग रूममध्ये घेऊन जाणाऱ्या कारची तोडफोड केली. मध्य नागपूर मतदारसंघातील किल्ला भागात मतदान अधिकारी बूथ क्रमांक 268 वरून कारमधून स्ट्राँग रूममध्ये ईव्हीएम घेऊन जात असताना ही घटना घडली.
मिळालेल्या माहितीनुसार, नागपुरातील विधानसभा निवडणुकीचे मतदान बुधवारी संध्याकाळी संपल्यानंतर, इलेक्ट्रॉनिक व्होटिंग मशीन (ईव्हीएम) नागपूरच्या 'स्ट्राँग रूम'मध्ये घेऊन जाणाऱ्या कारवर काही काँग्रेस कार्यकर्त्यांनी हल्ला केला. पोलिसांनी ही माहिती दिली.
पण सुदैवाने या हल्ल्यात कारमधून नेण्यात येणाऱ्या ईव्हीएमचे कोणतेही नुकसान झाले नसल्याचे पोलिसांनी स्पष्ट केले. पोलिसांनी दिलेल्या माहितीनुसार, मध्य नागपूर मतदारसंघातील किल्ला येथे निवडणूक अधिकारी मतदान केंद्र क्रमांक 268 वरून कारमधून 'स्ट्राँग रूम'मध्ये ईव्हीएम घेऊन जात असताना ही घटना घडली.
तसेच कारमध्ये बसलेल्या अधिकाऱ्यांवर हल्ला करण्यात आला, पण पोलिसांनी याला दुजोरा दिला नाही. परिसरातील लोकांनी या घटनेची माहिती तात्काळ पोलिसांना दिली, त्यानंतर कोतवाली पोलिस स्टेशनचे एक पथक घटनास्थळी पोहोचले आणि ईव्हीएम आणि अधिकाऱ्यांची सुटका केली. ईव्हीएम आणि वाहन तपासासाठी पोलीस स्टेशनमध्ये नेण्यात आले असून, वरिष्ठ पोलीस अधिकाऱ्यांनी या प्रकरणाचा तपास सुरू असून त्यांच्या अहवालाच्या आधारे गुन्हा दाखल करण्यात येणार असल्याचे सांगितले.
Edited By- Dhanashri Naik
