मृत लोकांची नावे अजूनही मतदार यादीत, जिवंत लोकांची नावे गायब-केंद्रीय मंत्री नितीन गडकरींनी उपस्थित केला मुद्दा

Nitin Gadkari News : केंद्रीय मंत्री नितीन गडकरी यांनी बुधवारी महाराष्ट्र विधानसभा निवडणुकीसाठी मतदान केल्यानंतर मतदार यादीतील अनियमिततेबाबत मोठा प्रश्न उपस्थित केला आहे. ते म्हणाले की, 'मृत्यू झालेल्या काही लोकांची नावे अद्याप मतदार यादीत आहे, तर उमेदवारी अर्ज भरलेल्यांची नावे नाहीत. निवडणूक आयोगाने याची गांभीर्याने दखल घेऊन मतदार यादीत नावे समाविष्ट करण्याच्या आपल्या पद्धतींचा आढावा घ्यावा असे देखील ते म्हणाले. 

केंद्रीय मंत्री नितीन गडकरी म्हणाले की, सध्याची व्यवस्था अनेकांची निराशा करत आहे. ही व्यवस्था न्याय्य नसून अनेकांनी माझ्याकडे निराशा व्यक्त केली आहे, असे ते म्हणाले. सर्व मतदारांना त्यांचा मतदानाचा हक्क बजावण्याची योग्य संधी मिळावी यासाठी आयोगाने ही प्रक्रिया मजबूत करावी. भाजपचे ज्येष्ठ नेते आणि केंद्रीय मंत्री नितीन गडकरी यांनी त्यांच्या कुटुंबीयांसह महाल परिसरातील टाऊन हॉलमध्ये मतदान केले. 

Edited By- Dhanashri Naik