निवडणूक निकालापूर्वी नवाब मलिक यांच्या अडचणीत वाढ, समीर वानखेडे यांची मुंबई उच्च न्यायालयात धाव

वानखेडे म्हणाले, या प्रकरणी पोलिसांची निष्क्रियतेमुळे त्यांना आणि त्यांच्या कुटुंबियांना खूपच मनस्ताप आणि अपमान झाला आहे. 

14 ऑगस्ट 2022 रोजी वानखेडे यांनी गोरेगाव पोलीस ठाण्यात मलिक यांच्या विरोधात एफआयआर दाखल केला. या प्रकरणी मलिकला अटक करण्यात आलेली नाही किंवा आजपर्यंत आरोपपत्रही दाखल करण्यात आलेले नाही. 2021 च्या कॉर्डेलिया क्रूझ ड्रग बस्ट प्रकरणात अभिनेता शाहरुख खानचा मुलगा आर्यन खान याला अटक केल्यानंतर प्रसिद्धी पावलेल्या एनसीबीच्या माजी झोनल ऑफिसरने मलिकचा जावई समीर खान यालाही अटक केली होती. 

वानखेडे यांनी आरोप केला आहे की समीर खानच्या अटकेनंतर, मलिकने सोशल मीडिया आणि टेलिव्हिजनवर त्यांची आणि त्यांच्या कुटुंबाची बदनामी आणि अपमान करण्यासाठी सतत मोहीम सुरू केली, त्यांच्या जातीला लक्ष्य केले आणि वानखेडे यांच्या जात प्रमाणपत्राच्या सत्यतेवर प्रश्नचिन्ह उपस्थित केले. अधिकाऱ्याने यापूर्वी ऑक्टोबर 2021 मध्ये अनुसूचित जाती आयोगाकडे तक्रार दाखल केली होती आणि मलिक यांच्यावर कारवाईची मागणी केली होती.

Edited By - Priya Dixit