शरद पवारांनी आपली चूक केली मान्य, म्हणाले- अतिआत्मविश्वासामुळे निवडणूक हरलो
Sharad Pawar News: 2024 च्या महाराष्ट्र विधानसभा निवडणुकीत NCP SP पक्षाला दारूण पराभवाला सामोरे जावे लागले. तसेच यानंतर पक्षाचे प्रमुख नेते शरद पवार यांनी आपला पराभव स्वीकारला आणि स्वत:वरील अतिआत्मविश्वास हेच आपल्या पराभवाचे कारण असल्याचे सांगितले.
मिळालेल्या माहितीनुसार महाराष्ट्र विधानसभा निवडणुकीचा निकाल स्वीकारताना राष्ट्रवादीचे अध्यक्ष शरद पवार म्हणाले की, असा अनुभव मला माझ्या राजकीय आयुष्यात पहिल्यांदाच आला आहे. लोकसभा निवडणुकीच्या निकालानंतर आम्हाला अधिक आत्मविश्वास वाटला, परंतु उत्तर प्रदेशचे मुख्यमंत्री योगी आदित्यनाथ यांच्या बटेंगे तो काटेंगे या घोषणेमुळे ध्रुवीकरण झाले.
तसेच शरद पवार म्हणाले की, अतिआत्मविश्वासामुळे हरलो. त्याचवेळी महायुतीची सत्ता न आल्यास लाडकी बहीण योजना बंद करण्यात येईल, असा प्रचारही करण्यात आला. याचा फटका आम्हाला निवडणुकीत सहन करावा लागला. निवडणुकीचा निकाल आमच्या अपेक्षेप्रमाणे लागला नाही, असे शरद पवार यांनी रविवारी सातारा जिल्ह्यातील कराड येथे सांगितले.
Edited By- Dhanashri Naik
