माळशेज घाटापेक्षाही सुंदर! महाराष्ट्रातील या 'मिनी स्वित्झर्लंड'बद्दल तुम्हाला माहिती आहे का?
Maharashtra Tourism : महाराष्ट्रात अनेक सुंदर पर्यटन स्थळे आहे. तसेच महाराष्ट्रात अनेक रमणीय घाट आहे व त्यातल्यात्यात माळशेज घाट अतिशय रमणीय आहे पण माळशेज घाटापेक्षाही सुंदर तापोळा हेच ते ठिकाण आहे ज्याला खऱ्या अर्थाने 'महाराष्ट्राचे मिनी स्वित्झर्लंड' म्हटले जाते. महाबळेश्वरपासून साधारण २५ ते ३० किमी अंतरावर असलेले हे ठिकाण पर्यटकांचे छुपे नंदनवनच आहे. तुम्ही जर तिथे जाण्याचा बेत आखत असाल, तर तेथिल काही गोष्टी तुम्हाला नक्कीच आवडतील.
तसेच माळशेज घाट तर सुंदर आहे, पण तापोळ्याला त्याच्या अथांग निळ्याशार जलाशयामुळे आणि सभोवतालच्या हिरवळीमुळे खरोखरच 'महाराष्ट्राचे मिनी स्वित्झर्लंड' म्हटले जाते. कोयना धरणाच्या 'शिवसागर' जलाशयाचा विस्तीर्ण परिसर आणि तिथली शांतता मनाला अगदी मोहून टाकते.या ठिकाणाची काही खास आकर्षणे आपण पाहणार आहोत.
मिनी स्वित्झर्लंड असलेले तापोळा का खास आहे?
बोटिंग आणि जलक्रीडा: शिवसागर जलाशयात तासनतास बोटिंगचा आनंद घेता येतो. कोयना धरणाचे हे बॅकवॉटर तब्बल ९० किमी लांब पसरलेले आहे. येथील निळे पाणी आणि सभोवतालचे डोंगर पाहून स्वित्झर्लंडमधील लेक 'ल्युसर्न'ची आठवण येते.
निसर्गरम्य ट्रेकिंग: येथून 'वासोटा' किल्ल्याकडे जाणारा जंगल ट्रेक हा साहसी पर्यटकांच्या यादीत नेहमीच वर असतो.
स्ट्रॉबेरीची शेती: महाबळेश्वरच्या जवळ असल्यामुळे, इथेही तुम्ही ताज्या स्ट्रॉबेरीचा आस्वाद घेऊ शकता.
शहरी गजबजाटापासून लांब: लोणावळा किंवा महाबळेश्वरसारखी इथे फार गर्दी नसते, त्यामुळे ज्यांना शांतता हवी आहे त्यांच्यासाठी हे उत्तम ठिकाण आहे.
वासोटा किल्ला ट्रेक: जर तुम्हाला साहसाची आवड असेल, तर बोटीने जाऊन वासोटा किल्ल्याचा ट्रेक करणे हा एक थरारक अनुभव ठरू शकतो.
अग्रोटूरिझम: तापोळ्याच्या आसपास अनेक 'अग्रो-रिसॉर्ट्स' आहेत, जिथे तुम्ही अस्सल ग्रामीण जेवणाचा आणि निसर्गाचा आनंद घेऊ शकता.
मिनी स्वित्झर्लंड तापोळा जावे कसे?
महाबळेश्वरला पोहोचल्यानंतर तिथून स्थानिक टॅक्सी किंवा स्वतःच्या गाडीने सातारा रोडने तापोळ्याला जाता येते.
