शिवसेना १६९, भाजप ११९ जागी लढणार
PTI
गुहागर आणि घाटकोपरच्या जागेवरून दोन्ही पक्षांमध्ये असलेले मतभेद अखेर शुक्रवारी शिवसेना प्रमुख बाळासाहेब ठाकरे यांच्या उपस्थितीत झालेल्या बैठकीत सुटला असून गुहागरची जागा शिवसेनेसाठी सोडण्यात आली आहे. तर त्या बदल्यात शिवसेनेने भाजपला घाटकोपर पश्चिम आणि मोशी हे दोन मतदार संघ दिले आहेत. गुहागरच्या जागेवरून विरोधी पक्षनेते रामदास कदम हे निवडणूक लढणार आहेत.
नव्या वाटाघाटीनंतर भाजपच्या दोन जागा वाढल्या असून त्यांच्या पदरात 119 जागा आल्या आहेत. तर सेनेकडे 169 जागा शिल्लक राहिल्या आहेत. शनिवारी याबाबत झालेल्या युतीच्या अधिकृत पत्रकार परिषदेत त्याची घोषणा करण्यात आली.
आता युतीमध्ये कुठलाही मतभेद नसून युतीचा संयुक्त जाहीरनामा लवकरच प्रकाशित केला जाणार असल्याचे यावेळी जाहीर करण्यात आले.
