Deep conditioning डीप कंडिशनिंग पण जरा जपून

केस धुवून वाळल्यानंतर लांबीच्या हिशेबाने शिया बटर घ्या आणि स्कॅल्पपासून केसांच्या टोकांपर्यंत लावा. यानंतर गरम पाण्यात टॉवेल बुडवून डोक्यावर बांधा. अर्ध्या तासाने केस धुवून घ्या.

केसांना कोरफडीचा गर लावा. जेलचा वापरही करता येईल. साधरण 20 मिनिटांनी कोमट पाण्याने केस धुवून घ्या.

दोन चमचे मधात दोन चमचे ऑलिव्ह ऑइल मिसळा. याने केसांच्या मुळांना मसाज करा. अर्ध्या तासाने धुवून टाका.

अंडयाच्या पिवळ्या भागात एक कप पाणी आणि दोन ते तीन चमचे नारळाचं तेल घाला. केसांना लावून वीस मिनिटांनी धुवून टाका.

थोड्या ओल्या केसांवर दही लावा. मोठ्या दातांच्या कंगव्याने विंचरून घ्या. अर्ध्या तासाने कोमट पाण्याने धुवून टाका. तेलकट केसांवर हा प्रयोग करा. दह्यामुळे स्कॅल्पमधून होणार्‍या तेलनिर्मितीला आळा बसेल. दह्यात मायोनिज मिसळता येईल.