1. लाईफस्टाईल
  2. सखी
  3. सौंदर्य सल्ला
  4. Homemade Anti Aging Collagen Gel For Glowing Skin At Home

वय ३० पार झालंय? महागड्या सिरमची गरजच नाही! घरी उपलब्ध असलेल्या ४ घटकांपासून बनवा 'पिंक कोलाजन जेल'

सुंदर दिसणे सर्वांनाच आवडते. त्वचा डागरहित आणि मुलायम राहावी यासाठी महिलांचे सर्व प्रयत्न सुरु असता. तसेच आजकाल प्रत्येकाला आपली त्वचा दीर्घकाळ मुलायम, चमकदार आणि ताजीतवानी राहावी असे वाटते. तथापि चुकीच्या खाण्याच्या सवयी आणि जीवनशैलीमुळे, वयाच्या तिशीनंतर चेहऱ्यावर सुरकुत्या, बारीक रेषा आणि डाग दिसू लागतात. यापासून सुटका मिळवण्यासाठी, लोक नेहमी महागडी स्किनकेअर उत्पादने खरेदी करतात. पण तुम्हाला हे जाणून आश्चर्य वाटेल की याची गरज नाही. 
 
जर तुम्हालाही तुमची त्वचा हायड्रेटेड ठेवायची असेल आणि चेहऱ्यावर नैसर्गिक गुलाबी चमक हवी असेल, तर तुम्ही काही सोप्या घटकांचा वापर करून घरीच कोलेजन जेल बनवू शकता. बाजारात ३,००० रुपयांपर्यंत किंमत असलेले जेल फक्त चार घटकांचा वापर करून घरी तयार करता येते. तथापि, प्रत्येक व्यक्तीच्या त्वचेनुसार त्याचे परिणाम वेगवेगळे असू शकतात. चला तर मग, घरी सहजपणे गुलाबी कोलेजन जेल कसे बनवायचे ते शिकूया.

३० नंतर त्वचेतील कोलाजन कमी होऊ लागल्यामुळे चेहऱ्यावर बारीक रेषा आणि सुरकुत्या दिसू लागतात. बाजारात मिळणारे महागडे पिंक कोलाजन जेल विकत घेण्याऐवजी, तुम्ही केवळ ४ नैसर्गिक घटकांचा वापर करून घरच्या घरी हे जेल तयार करू शकता.
 
आवश्यक साहित्य:
बीट रस (Beetroot Juice) - २ चमचे: यातील अँटी-ऑक्सिडंट्स त्वचेला छान गुलाबी चमक आणि तरुणपणा देतात.
कोरफडीचा गर (Aloe Vera Gel) - ३ ते ४ चमचे: त्वचेला हायड्रेट ठेवते आणि कोलाजनचे प्रमाण वाढवण्यास मदत करते.
व्हिटॅमिन ई कॅप्सूल (Vitamin E Capsule) - २: सुरकुत्या कमी करून त्वचेची लवचिकता सुधारते.
गुलाब पाणी (Rose Water) - १ ते २ चमचे: त्वचेचा पीएच (pH) लेव्हल संतुलित ठेवते.
 
बनवण्याची पद्धत:
एका स्वच्छ वाटीत ३-४ चमचे कोरफडीचा गर घ्या.
त्यात २ चमचे बिटाचा रस आणि १ चमचा गुलाब पाणी टाका.
दोन्ही व्हिटॅमिन ई कॅप्सूल फोडून त्यातील तेल या मिश्रणात घाला.
सर्व साहित्य चमच्याने २ ते ३ मिनिटे चांगले फेटून घ्या, जोपर्यंत ते बाजारात मिळणाऱ्या क्रिमसारखे हलके आणि गुलाबी (Pink Collagen Gel) होत नाही.
हे जेल एका स्वच्छ काचेच्या बाटलीत भरून फ्रिजमध्ये ठेवा. (हे १० ते १२ दिवस चांगले राहते.)
 
वापरण्याची पद्धत:
दररोज रात्री चेहरा स्वच्छ धुवून घ्या.
थोडेसे जेल हातावर घेऊन चेहऱ्यावर आणि मानेवर वर्तुळाकार मसाज करा.
हे जेल रात्रभर चेहऱ्यावर राहू द्या आणि सकाळी साध्या पाण्याने चेहरा धुवा.
नियमित वापराने त्वचेचा घट्टपणा वाढून सुरकुत्या कमी होण्यास मदत होईल.
पुढील लेख
गणपती बाप्पाच्या नैवेद्यासाठी ३ प्रकारच्या चॉकलेट मोदकांची रेसिपी