पुणेकरांच्या सेवेत एसी इलेक्ट्रिक बस येणार

९ मीटरच्या (३१ सीटर) २५ बस येत्या २६ जानेवारीला पीएमपीएमएलच्या ताफ्यात समाविष्ट होणार आहेत. एसी इलेक्ट्रिक बसची सुविधा नागरिकांना नॉन एसी बसच्या दरातच उपलब्ध होणार आहे. या सर्व बस ‘बीआरटी काँप्लायंट’ आहेत. ‘ओलेक्ट्रा ग्रीनटेक’ या कंपनीला हे कंत्राट देण्यात आले आहे. या बसच्या चार्जिंग तसेच देखभालीची जबाबदारी कंपनीची राहणार आहे, तर पालिका चार्जिंगसाठी वीज पुरवणार आहे. सुरूवातीला या लहान बस बीआरटी मार्गावरच धावणार असून निगडी ते भेकराईनगर या बीआरटी मार्गावर ही बस धावणार आहे.