रिझर्व्ह बँकेच्या माहितीनुसार गेल्या तीन महिन्यात ऑनलाईन फ्रॉडची 10 हजार 220 प्रकरणं समोर आली आहेत. यामध्ये 111.85 कोटी रुपयांचा समावेश आहे. एक लाखांपेक्षा जास्त किमतीची फसवणूक झाल्याची तब्बल 380 प्रकरणं एकट्या महाराष्ट्रात समोर आली आहेत. ऑनलाईन चोरट्यांनी 12.10 कोटी रुपयांवर डल्ला मारला आहे.
महाराष्ट्रानंतर एक लाखांपेक्षा जास्त रकमेची फसवणूक झाल्याचा सर्वाधिक फटका हरियाणाला बसला आहे. हरियाणात 238 प्रकरणांची नोंद झाली असून आठ कोटींची रक्कम लुबाडण्यात आली आहे. त्यानंतर कर्नाटक (221 प्रकरणं, 9.16 कोटी ), तामिळनाडू (208 प्रकरणं, 4.38 कोटी) आणि दिल्ली (156 प्रकरणं, 3.43 कोटी) या राज्यांचा क्रमांक येतो.