गणेशोत्सवात प्रत्यक्ष भेटणार अगडबम 'नाजूका'

राज्यभरातील विविध सार्वजनिक मंडळांमध्ये स्थानापन्न झालेल्या भव्य गणेशमूर्त्यांचे दर्शन घेण्यासाठी घराबाहेर पडलेल्या स्थानिकांना अगडबम रूपातली नाजुकादेखील तिथे भेटणार असल्याकारणामुळे, यंदाच्या उत्सवाला जत्रेचे स्वरूप लाभणार आहे. अभिनेत्री तृप्ती भोईरने साकारलेली 'नाजूका' या व्यक्तिरेखेने यापूर्वीदेखील 'अगडबम' सिनेमाद्वारे प्रेक्षकांची मने जिंकली होती. त्यामुळे येत्या २६ ऑक्टोबर रोजी प्रदर्शित होत असलेल्या ‘माझा अगडबम’या सिक्वेलमधून प्रेक्षकांचे मनोरंजन करण्यास ती पुन्हा एकदा सज्ज झाली आहे.  या सिनेमाचे लेखन, आणि दिग्दर्शन तृप्तीनेच केली असून, टी. सतीश चक्रवर्ती, धवल जयंतीलाल गडा आणि अक्षय जयंतीलाल गडा यांसोबत तिने निर्मितीची धुरादेखील सांभाळली आहे.  त्यामुळे, मोठ्या पडद्यावर झळकणाऱ्या या अगडबम नाजुकाला, आपल्या शहरात प्रत्यक्ष भेटण्यासाठी प्रेक्षकदेखील नक्कीच उत्सुक असतील हे निश्चित !