मनमोहन माहिमकर कामाच्या शोधात

Publish: Wed, 12 Jul 2023 (13:46 IST) Updated: Wed, 12 Jul 2023 (13:50 IST)

social media

अनेक कलाकार आजही आपल्या समाजात असे आहेत ज्यांच्या हाताला काम नसल्याने त्यांच्यावर भीक मागण्याची वेळ आली आहे. कामाच्या शोधात असलेल्या अशाच एका मराठी कलाकाराचा व्हिडीओ समोर आला आहे. 'पोरी मला काम दे' असं म्हणत त्यांच्यावर एका युट्यूबरकडे काम मागण्याची वेळ आली आहे. मनमोहन माहिमकर असं त्या मराठी अभिनेत्याचं नाव आहे.

अंकिता वालावलकर ही मराठमोळी मुलगी कोकण हार्टेड गर्ल नावानं तिचं युट्यूब चॅनेल चालवते. केवळ सोशल मीडियावर डिजिटल क्रिएशन न करता अनेक समाजिक विषयावर ती बोलत असते.  मुंबईच्या गिरगावात शुटींगसाठी गेली असता अंकिताला मनमोहन माहिमकर यांच्याबद्दल समजलं. त्यांनी अंकिताकडे येऊन मला काम दे पोरी अशी विनंती केली. अंकिताने त्यांचा व्हिडीओ तिच्या अकाऊंटवरून शेअर केलाय.

असेच काही दिवसांआधीच एकेकाळी लावणी सम्राज्ञी म्हणून किताब मिळणाऱ्या शांताबाई लोंढे उर्फ शांताबाई कोपरगावकर यांना एका बस स्टेशनवर वाईट परिस्थितीमध्ये पाहाण्यात आलंय. आपल्या सौंदर्यानं घायाळ करणाऱ्या शांताबाई यांची उतार वयात झालेली अवहेलना पाहून अनेकांच्या डोळ्यात पाणी आलं.