Under-19 World Cup: आयसीसीने अंडर-19 वर्ल्ड कपचे वेळापत्रक जाहीर केले
आंतरराष्ट्रीय क्रिकेट परिषदेने (ICC) पुढील वर्षी होणाऱ्या पुरुषांच्या अंडर-19 विश्वचषकाचे सुधारित वेळापत्रक जाहीर केले आहे. भारतीय संघ या स्पर्धेतील पहिला सामना 20 जानेवारी रोजी बांगलादेशविरुद्ध ब्लोमफॉन्टेन येथे खेळणार आहे. भारत अ गटात बांगलादेश, आयर्लंड आणि अमेरिकासोबत आहे. ही स्पर्धा यापूर्वी श्रीलंकेत होणार होती, परंतु राजकीय हस्तक्षेपामुळे आयसीसीने श्रीलंका क्रिकेटला स्थगिती दिली आहे. अशा स्थितीत अंडर-19 विश्वचषक आता दक्षिण आफ्रिकेत होणार आहे.
बांगलादेशविरुद्धचा सामना संपल्यानंतर भारताची 25 जानेवारीला ब्लूमफॉन्टेन येथे आयर्लंडशी लढत होईल. 28 जानेवारीला टीम इंडियाचा शेवटचा साखळी सामना याच मैदानावर अमेरिकेशी होणार आहे. 19 जानेवारीला दुहेरी हेडरने स्पर्धेला सुरुवात होईल. आयर्लंडचा सामना अमेरिकेविरुद्ध ब्लोमफॉन्टेन येथे होणार आहे. तर यजमान दक्षिण आफ्रिकेचा सामना पॉचेफस्ट्रूममध्ये वेस्ट इंडिजशी होणार आहे.
अंडर-19 विश्वचषक गट
अ गट: भारत, बांगलादेश, आयर्लंड आणि यूएसए.
ब गट: इंग्लंड, दक्षिण आफ्रिका, वेस्ट इंडिज, स्कॉटलंड.
क गट: ऑस्ट्रेलिया, श्रीलंका, नामिबिया, झिम्बाब्वे.
ड गट : अफगाणिस्तान, पाकिस्तान, न्यूझीलंड, नेपाळ.
सर्वाधिक जेतेपद भारताने जिंकले:
भारताने सर्वाधिक पाच वेळा अंडर-19 विश्वचषक जिंकला आहे. टीम इंडिया 2000, 2008, 2012, 2018 आणि 2022 मध्ये चॅम्पियन बनली आहे. ऑस्ट्रेलियाने तीन तर पाकिस्तानने दोन विजेतेपद पटकावले आहेत. बांगलादेश, दक्षिण आफ्रिका, वेस्ट इंडिज आणि इंग्लंड यांनी प्रत्येकी एकदा ही स्पर्धा जिंकण्यात यश मिळवले आहे.
Edited by - Priya Dixit
