1. मराठी बातम्या
  2. क्रिकेट मराठी
  3. क्रिकेट वृत्त
  4. Indian team starts preparations in Sri Lanka Gambhir and Suryakumar join training

IND vs SL: भारतीय संघाची श्रीलंकेत तयारी सुरू, गंभीर आणि सूर्यकुमार प्रशिक्षणात सामील

भारतीय क्रिकेट संघ मुख्य प्रशिक्षक गौतम गंभीर आणि T20 संघाचा नवनियुक्त कर्णधार सूर्यकुमार यादव यांच्या नेतृत्वाखाली श्रीलंकेविरुद्ध खेळण्यासाठी सज्ज झाला आहे. भारतीय संघाने मंगळवारी पहिल्या सराव सत्रात गंभीर आणि सूर्यकुमार यांच्या नेतृत्वाखाली भाग घेतला. सोमवारी हा संघ श्रीलंकेत पोहोचला असून त्यांनी कोणताही विलंब न लावता या मालिकेसाठी तयारी सुरू केली आहे. भारत आणि श्रीलंका यांच्यातील टी-20 मालिकेला 27 जुलैपासून सुरुवात होणार आहे. 

कर्णधार सूर्यकुमार व्यतिरिक्त हार्दिक पांड्या, शुभमन गिल यांसारखे इतर स्टार खेळाडू श्रीलंकेत पोहोचले होते. टी-20 मालिकेनंतर 2 ऑगस्टपासून दोन्ही देशांदरम्यान तीन सामन्यांची एकदिवसीय मालिका खेळवली जाणार आहे. त्याचे सर्व सामने कोलंबोतील आर प्रेमदासा स्टेडियमवर होणार आहेत. नियमित कर्णधार रोहित शर्मा आणि अनुभवी फलंदाज विराट कोहली एकदिवसीय मालिकेसाठी नंतर श्रीलंकेत पोहोचतील.
 
प्रशिक्षणादरम्यान गंभीर कोचिंग स्टाफ आणि संजू सॅमसनसोबत चर्चा करताना दिसला होता . यानंतर प्रशिक्षक आणि कर्णधारानेही संघाशी चर्चा केली. T20 विश्वचषकानंतर राहुल द्रविडचा कार्यकाळ संपला आणि भारतीय क्रिकेट नियामक मंडळाने (BCCI) ही जबाबदारी गंभीरकडे सोपवली.
Edited by - Priya Dixit  
 
 
 
पुढील लेख
बालभारतीच्या कवितेवरुन इतका का आहे 'शोर'? सगळेच का म्हणत आहेत 'नो मोअर'?