भारतीय महिला संघाविरुद्धच्या सराव सामन्यात, न्यूझीलंड महिला संघाने प्रथम फलंदाजी करत 232 धावा केल्या. त्यानंतर भारतीय महिला संघाकडून कर्णधार हरमनप्रीत कौर आणि हरलीन देओल यांनी दमदार फलंदाजी केली आणि या दोन खेळाडूंमुळे संघ लक्ष्याचा सहज पाठलाग करू शकला. पावसामुळे सामना उशिरा सुरू झाला आणि प्रत्येकी 42 षटकांचा खेळ करण्यात आला.
स्टार सलामीवीर प्रतिका रावल सराव सामन्यात चांगली कामगिरी करू शकली नाही आणि पूर्णपणे अपयशी ठरली. तिने सामन्यात 15 धावा केल्या. उमा छेत्रीने 38 धावांचे योगदान दिले. नंतर हरमनप्रीत कौर आणि हरलीन देओलने क्रीजवर स्थिर फलंदाजी केली.
दोन्ही खेळाडूंनी सुनियोजित फलंदाजी दाखवली आणि भारताच्या विजयात महत्त्वाची भूमिका बजावली. हरमनप्रीत कौरने 86 चेंडूत 8 चौकारांसह 69 धावा केल्या. हरलीनने79 चेंडूत 10 चौकारांसह एकूण 74धावा केल्या. जेमिमा रॉड्रिग्जने 8 धावा केल्या, तर रिचा घोषने 9 धावा केल्या. भारतीय संघाने 40.2 षटकांत लक्ष्याचा पाठलाग केला.भारताकडून श्री चरणीने सर्वाधिक तीन बळी घेतले. क्रांती गौड आणि अरुंधती रेड्डी यांनी प्रत्येकी दोन बळी घेतले
Edited By - Priya Dixit
