RCB W vs MI W : मुंबईने आरसीबीचा नऊ गडी राखून पराभव केला
महिला प्रीमियर लीगच्या चौथ्या सामन्यात मुंबई इंडियन्सने रॉयल चॅलेंजर्स बंगलोरचा नऊ गडी राखून पराभव केला. नाणेफेक जिंकून प्रथम फलंदाजी करताना बंगळुरूने मुंबईसमोर 156 धावांचे लक्ष्य ठेवले होते. मुंबईने एक गडी गमावून लक्ष्य गाठले.
मुंबईने आरसीबीचा नऊ गडी राखून पराभव केला आहे. 156 धावांच्या लक्ष्याचा पाठलाग करताना मुंबई संघाने 14.2 षटकात 159 धावा करत लक्ष्य गाठले. मुंबईकडून हिली मॅथ्यूजने सर्वाधिक नाबाद 77 धावा केल्या. त्याचवेळी नॅट शिव्हरने 55 धावांची नाबाद खेळी केली. मुंबईचा या स्पर्धेतील हा सलग दुसरा विजय आहे. या विजयासह मुंबईचा संघ गुणतालिकेत अव्वल स्थानावर पोहोचला आहे. मुंबईचे दोन सामन्यांनंतर चार गुण झाले आहेत, तर आरसीबीने सलग दुसरा सामना गमावला आहे.हीली मॅथ्यूज आणि नॅट शिव्हर ब्रंट यांच्यात 100 धावांची भागीदारी केली.
Edited By - Priya Dixit
