IND-ENG मालिकेनंतर बेन स्टोक्सला नॉर्दर्न सुपरचार्जर्सचा कर्णधार बनवण्यात आले
दुखापतीमुळे बेन स्टोक्स भारताविरुद्धचा पाचवा कसोटी सामना खेळू शकला नाही. कसोटी मालिका संपल्यानंतर स्टोक्स आता द हंड्रेड स्पर्धेत मेंटरच्या भूमिकेत दिसणार आहे.
भारत आणि इंग्लंड यांच्यात नुकतीच खेळवण्यात आलेली पाच सामन्यांची कसोटी मालिका २-२ अशी बरोबरीत सुटली. या मालिकेत बेन स्टोक्स इंग्लंडचे नेतृत्व करत होते. मात्र, खांद्याच्या दुखापतीमुळे तो मालिकेतील पाचवा आणि शेवटचा सामना खेळू शकला नाही. त्या सामन्यात इंग्लंडला ६ धावांनी पराभव स्वीकारावा लागला. दरम्यान, बेन स्टोक्सबद्दल एक मोठी बातमी समोर आली आहे. तो आता द हंड्रेड २०२५ मध्ये मेंटरच्या भूमिकेत दिसणार आहे.
बेन स्टोक्सला नॉर्दर्न सुपरचार्जर्सचा कर्णधार बनवण्यात आले
बेन स्टोक्सला द हंड्रेड २०२५ हंगामासाठी नॉर्दर्न सुपरचार्जर्सचा मेंटर म्हणून नियुक्त करण्यात आले आहे, ज्याचे नेतृत्व हॅरी ब्रूक करत आहे. २०२१ ते २०२४ दरम्यान स्टोक्सने या फ्रँचायझीसाठी एकूण ५ सामने खेळले आहे. त्या पाच सामन्यांमध्ये स्टोक्सने फलंदाजीतून फक्त १४ धावा काढल्या आणि गोलंदाजीत तीन विकेट घेतल्या. २०२५ ची अ‍ॅशेस लक्षात घेऊन, बेन स्टोक्सने फेब्रुवारीमध्येच द हंड्रेडच्या आगामी हंगामातून आपले नाव मागे घेतले जेणेकरून त्याचा फिटनेस आणि वर्कलोड सांभाळता येईल. पण आता तो सुपरचार्जर्स संघात एका नवीन भूमिकेत सामील झाला आहे. तसेच नॉर्दर्न सुपरचार्जर्स ७ ऑगस्ट रोजी त्यांचा पहिला सामना खेळणार आहे.
Edited By- Dhanashri Naik
