Asia Cup 2022 आशिया कपमध्ये दीपक चहरला संधी मिळेल का?

Asia Cup 2022 दीपक चहरने झिम्बाब्वेविरुद्धच्या पहिल्या वनडेद्वारे आंतरराष्ट्रीय क्रिकेटमध्ये पुनरागमन केले आहे. दीपक चहर सहा महिन्यांनंतर मैदानात आला आणि त्याने तीन विकेट घेत सामनावीराचा किताब पटकावला. फॉर्म आणि फिटनेस सिद्ध केल्यानंतर दीपक चहरच्या आशिया कपमध्ये खेळण्याची शक्यता वाढली आहे.

इनसाइड स्पोर्टच्या रिपोर्टनुसार, दीपक चहरला आशिया कपसाठी टीम इंडियामध्ये संधी दिली जाऊ शकते. दीपक चहरच्या फॉर्म आणि फिटनेसवर निवड समिती लक्ष ठेवून आहे आणि आशिया चषक स्पर्धेत त्याला संधी मिळावी यासाठी विचार केला जात असल्याचा दावा या अहवालात करण्यात आला आहे.

बीसीसीआयच्या एका निवडकर्त्याने सांगितले की, तुम्ही आशिया कपसाठी थेट खेळाडू निवडू शकत नाही. तो दुखापतीतून पुनरागमन करत आहे. दुखापतग्रस्त खेळाडूंना त्यांचा फॉर्म आणि फिटनेस सिद्ध करण्यासाठी स्पर्धा खेळावी लागते.

दीपक चहर आशिया कप खेळू शकतो

रिपोर्टमध्ये असाही दावा करण्यात आला आहे की, दीपक चहरने फिटनेस राखला तर त्याची आशिया कपमध्ये खेळण्याची शक्यता लक्षणीय वाढेल. दीपक चहरनेही कबूल केले आहे की, मैदानात परतण्यासाठी आपल्याला खूप मेहनत करावी लागली.

यावर्षी होणार्‍या टी-20 विश्वचषकाच्या दृष्टीने दीपक चहरही भारतासाठी खूप महत्त्वाचा आहे. भारताचे दोन स्टार वेगवान गोलंदाज जसप्रीत बुमराह आणि हर्षल पटेल जखमी झाले आहेत. जर हे दोन खेळाडू टी-20 विश्वचषकापर्यंत तंदुरुस्त नसतील तर चहरच्या खेळण्याची शक्यता खूप वाढेल.

भुवनेश्वर कुमारशिवाय आवेश खान आणि अर्शदीप सिंग यांना आशिया कपसाठी टीम इंडियामध्ये संधी देण्यात आली आहे. अशा परिस्थितीत दीपक चहरचा चौथा वेगवान गोलंदाज म्हणून संघात समावेश केला जाऊ शकतो.