बुधवार, 28 फेब्रुवारी 2024
  1. मराठी बातम्या
  2. आज-काल
  3. मंथन
Written By
Last Modified: शनिवार, 2 सप्टेंबर 2023 (10:26 IST)

World Coconut Day 2023: जागतिक नारळ दिनाचा इतिहास आणि महत्त्व जाणून घ्या

World Coconut Day 2023:  नारळ हे अनेक पौष्टिकतेने भरलेले आरोग्यासाठी खूप फायदेशीर फळ आहे. नारळाचे तेच गुण आणि महत्त्व सांगण्यासाठी दरवर्षी 2 सप्टेंबर रोजी जागतिक नारळ दिन साजरा केला जातो.यंदाच्या वर्षी 15 वा जागतिक नारळ दिन साजरा केला जात आहे. नारळ पूजे पासून ते खाद्य पदार्थ आणि सौंदर्य साधनांमध्ये वापरला जात आहे. हिंदू धर्मात देखील नारळाला विशेष महत्त्व आहे. नारळाचा वापर प्रत्येक शुभ कार्यात केला जातो. 
 
अन्न, इंधन, सौंदर्य उत्पादने, औषधे याशिवाय इतर अनेक गोष्टींमध्ये नारळाचा वापर केला जातो. या दिवसाचा इतिहास आणि महत्त्व जाणून घेऊ या.
 
जागतिक नारळ दिनाचा इतिहास-
 
जागतिक नारळ दिवस दरवर्षी 2 सप्टेंबर रोजी 'इंटरनॅशनल कोकोनट कम्युनिटी (ICC)' या नारळ उत्पादक देशांच्या आंतरशासकीय संस्थेच्या स्थापनेसाठी साजरा केला जातो. 2 सप्टेंबर 2009 रोजी आशिया पॅसिफिक कोकोनट कम्युनिटीने हा दिवस पहिल्यांदा साजरा केला.
 
आंतरराष्ट्रीय नारळ समुदाय (ICC) ची स्थापना 1969 मध्ये आशिया-पॅसिफिक क्षेत्रासाठी संयुक्त राष्ट्र आर्थिक आणि सामाजिक आयोगाच्या (UN-ESCAP) अंतर्गत करण्यात आली. त्यावेळी ते आशियाई आणि पॅसिफिक नारळ समुदाय म्हणून ओळखले जात होते. याचे मुख्यालय जकार्ता, इंडोनेशिया येथे आहे आणि सध्या या संघटनेत एकूण 20 देशांचा समावेश आहे ज्यामध्ये भारत देखील सदस्य आहे. कर्नाटक, केरळ, तामिळनाडू आणि आंध्र प्रदेश या राज्यांचा समावेश असलेला भारत हा जगातील सर्वोच्च नारळ उत्पादक देशांपैकी एक आहे. इंडोनेशिया हा जगातील सर्वात मोठा नारळ उत्पादक देश आहे.
 
जागतिक नारळ दिनाचे महत्व- 
नारळाचे महत्त्व समजावून देण्यासाठी दरवर्षी जागतिक नारळ दिन साजरा केला जातो. 
 
जागतिक नारळ दिनाचीथीम - 
या वर्षीची थीम वर्तमान आणि भविष्यातील नारळ क्षेत्र टिकवून ठेवणे आहे. 
 

Edited by - Priya Dixit