1. मराठी बातम्या
  2. आज-काल
  3. मंथन
  4. सौर ऊर्जेवर चालणारी ‘भारतीय’ टमटम पोहोचली लंडनला

सौर ऊर्जेवर चालणारी ‘भारतीय’ टमटम पोहोचली लंडनला

सौर ऊर्जेवर चालणारी भारतातून निघालेली टमटम रिक्षा इंग्लंडच्या रस्त्यावर धावली आणि सायबांना आश्चर्याचा धक्काच बसला. सौर ऊर्जेवर चालणार्‍या छोटय़ाशा टमटम रिक्षामधून सुमारे 6 हजार 200 मैलांचा प्रवास करुन भारतीय वंशाचा इंजिनिअर ब्रिटनमध्ये दाखल झालाय. 
 
नवीन राबेली असं या इंजिनिअरचं नाव आहे. 35 वर्षाच्या नवीनने भारतातून प्रवासाला सुरुवात केली होती. अनेक देशांमध्ये सौर ऊर्जेवर चालणार्‍या या टमटम रिक्षाची कल्पना आवडल्याचं तो म्हणतोय. खासकरुन इराणचे लोक या रिक्षाच्या प्रेमात पडल्याचं तो म्हणाला. नवीन राबेली हा जन्माने भारतीय असला तरी, तो ऑस्ट्रेलियाचा रहिवासी आहे. इंग्लंडच्या बकिंगहॅम पॅलेसजवळ तो आपला प्रवास संपवणार आहे. विजेवर, सौर ऊर्जेवर चालणार्‍या वाहनांचा अधिक वापर व्हावा, त्याबद्दल जनजागृती निर्माण करण्यासाठी राबेलीने टमटमनं प्रवास केलाय. यासाठी त्यानं या रिक्षामध्येच सर्व व्यवस्था केलीय. ज्यात एक बिछाना, कपाट आणि सौर ऊर्जेवर चालणारा एक कुकरदेखील आहे. एकदा भारतात ट्रॅफ्रिकमध्ये अडकलो असताना प्रदूषण पाहून सौर ऊर्जेवर चालणारी रिक्षा बनवण्याची कल्पना सुचल्याचं त्यांनी सांगितलं.
पुढील लेख
यामुळे होतो स्मार्टफोन स्लो