आहारातूनच मिळवू शकता औषधं

रोज सकाळी भिजवलेले दोन बदाम खाल्ल्याने रोगप्रतिकारक क्षमतेच्या वाढीबरोबरच ताणाचेही योग्य व्यवस्थापन करणे शक्य होते.

'क' जीवनसत्त्व असणार्‍या लिंबू, चिंच, संत्रे, मोसंबी, आवळा, अननस अशा फळांच्या सेवनामुळे रोगाचा प्रतिकार करणार्‍या पांढर्‍या रक्तपेशींची निर्मिती होते. यामुळे शरीरात कोणताही जंतू प्रवेश करू शकत नाही.

लसूण आणि पालेभाज्या यांचा आहारात अवश्य समावेश करावा. पालकामुळे पचनसंस्था सुधारते आणि कफाचा त्रास दूर होतो.

मशरूममध्ये असणार्‍या अँण्टीव्हायरल, अँण्टीट्यूमर, अँण्टीबॅक्टेरिअल तत्त्वांमुळे रोगप्रतिकारक शक्ती कमालीची वाढते. यांचे नियमित सेवन आपल्याला आजारापासून दूर ठेवण्यास साहाय्यभूत ठरू शकते.