हे 5 नॅचरल हर्ब्स उच्च कोलेस्ट्रॉलची पातळी नियंत्रित करण्यास मदतगार

उच्च कोलेस्ट्रॉलची पातळी नियंत्रित करण्यासाठी औषधी वनस्पती उपयुक्त -

तुळस -

तुळशीचे रोप सर्वत्र सहज उपलब्ध आहे. तुळशीचा वापर सामान्यतः चहा किंवा काढा बनवण्यासाठी केला जातो. आरोग्य तज्ज्ञांच्या मते, तुळशीचे नियमित सेवन केल्यास उच्च कोलेस्ट्रॉलची पातळी नियंत्रित ठेवता येते.

मेथी दाणे आणि मेथीची पाने –

अनेक आरोग्य संशोधनांनंतर, तज्ञांच्या मते मेथीचा वापर उच्च कोलेस्ट्रॉल पातळी कमी करण्यास सक्षम आहे. यासाठी तुम्ही मेथी दाणे आणि मेथीची पाने दोन्ही वापरू शकता. मेथीचे सेवन कोलेस्ट्रॉलची पातळी राखण्यासाठी विशेषतः उच्च रक्तातील साखरेची पातळी असलेल्या रुग्णांमध्ये प्रभावी ठरू शकते.

रोझमेरी -

रोझमेरीच्या सेवनाने उच्च कोलेस्ट्रॉलच्या समस्येवर मात करता येते. आरोग्य तज्ज्ञांच्या मते, रोजमेरी पावडर 2 किंवा 5 ग्रॅम नियमित सेवन केल्याने उच्च कोलेस्ट्रॉलची पातळी कमी केली जाऊ शकते. रोझमेरीच्या सेवनाने हृदय व रक्तवाहिन्यासंबंधी रोग आणि इतर जुनाट आजारांचा धोका देखील कमी केला जाऊ शकतो.

हळद -

हळदीचा वापर भारतातील सर्व घरांमध्ये केला जातो, जी अन्नाची चव वाढवते तसेच अद्भूत औषधी गुणधर्मांनी परिपूर्ण असते. हळदीमध्ये असलेले कर्क्यूमिन कोलेस्ट्रॉलची पातळी मोठ्या प्रमाणात सुधारून हृदयाशी संबंधित समस्यांचा धोका कमी करू शकते.

आले -

आल्याचा वापर वेगवेगळ्या ठिकाणी स्वयंपाकासाठी अनेक प्रकारे केला जातो. दुसरीकडे, आल्याचा वापर आरोग्याच्या समस्यांवर औषध म्हणूनही केला जातो. आरोग्य तज्ज्ञांच्या मते, दररोज 2 ग्रॅम आल्याचे नियमित सेवन केल्यास ट्रायग्लिसराइड आणि एलडीएल कोलेस्ट्रॉलची पातळी कमी होऊ शकते.

Edited by : Smita Joshi