प्रिय दालचिनी ताईला जायफळ दादाचे पत्र

आनंदाची बातमी अशी श्री.लवंग यांची मुलगी चि .सौ.कां.मिरी हिचे लग्न कु.जिरे ह्याच्याशी ठरले आहे. 

स्थळ उत्तम आहे.  तिखट मावशी व गोड मसाले काका यांनी मध्यस्थी केली म्हणून हे लग्न जमले आहे. 

काजू व पिस्ता हे बि. कॉम झाल्यामुळे त्यांचा भाव खूप वाढला आहे. 

मोहरीला अजून शाळेत घातले नाहीं. 

कडीपत्ता पहिलीत आहे. 

दुःखाची गोष्ट म्हणजे साखर व चहा पावडर यांच्या लग्नाला विरोध झाल्यामुळे त्या दोघांनी सकाळी उकळत्या पाण्यात जीव दिला. 

घटनास्थळी कपबशी उपस्थित होती. 

बटाटेमामानी विळीवर खुपसून जीव दिल्यामुळे कांदेमामी स्वतः रडत होत्या व दुसऱ्यानाही रडवत होत्या. 

बाकी सगळे ठीक आहे. 

लसूण, कोथिंबीर , व खसखस ह्यांना गोड गोड पापा

तुझाच,

जायफळ दादा 

पत्ता- खलबत्ता-बेपत्ता ,

मुक्काम- अलीकडे, 

तालुका- पलीकडे, 

जिल्हा- सगळीकडे.