शब्दाची नाही गरज, येतं नृत्यास बांधता!

लय अन ताल ज्यातून निनादतो,

उन्मुक्त आनंद त्यातूनच गवसतो,

व्यक्त होण्याचे अभिन्न अंग मानवाचे,

भाषे ची गरज कधी अडसर न याचे,

अंग अंग नाचू लागते लयीवर स्वार होऊन,

थिरकू लागतात पाय, गाण्याचे बोल ऐकून,

सान थोर असा कदापी न भेद ज्यात,

उडू लागताच कारंजे, भिजू लागतात त्यात,

जगातील ही एकमेव भाषा की उमगे न बोलता,

शब्दाची नाही गरज, येतं नृत्यास बांधता!

...अश्विनी थत्ते.