Shardiya Navratri 2023 : रंगा रंगा च्या साड्या नेसून, का कुठं नवरात्रात भागतं!

एकमेकींना हिनवण्यात च तर सारं आयुष्य ग चाललं,

परपुरुषाशी नातं अनैतिक तूच तर ग जमवलं,

तेंव्हा कुठं गेली स्त्री तुझ्या ग मनातली,

फक्त दाखवायला उपवास करून का तू नवरात्री जागवली?

विचार तूच स्वतः ला, कित्ती कारस्थानं घडविले,

सतत दुसऱ्यास दुखवुन खूप खेळ मांडले,

दाखवते वरवर एक, अन आत वेगळीच असते,

स्वतः च घर सांभाळते, पण दुसऱ्याच्या घरात आग तूच लावते,

मन शुद्ध कर अन कबूल कर सारे अपराध,

आत लपलेल्या राक्षसाचा तूच कर आता वध,

मग कर नवरात्र साजरे, बघ कसं होईल  मंगल मंगल,

 मग बघ कशी ताठ मानेने तुही इथंच जगशील,!!

..अश्विनी थत्ते.