रात्रीची उरलेली खिचडी निरुपयोगी आहे असे समजू नका! काही मिनिटांतच नाश्त्यासाठी बनवा भन्नाट रेसीपी

मसाले: १ चमचा लाल तिखट, अर्धा चमचा हळद, १ चमचा चाट मसाला, आणि चवीनुसार मीठ (खिचडीत आधीच मीठ असते, त्यामुळे बेताने टाका).

तेल: शॅलो फ्राय करण्यासाठी.

कृती-

१. मिश्रण तयार करा-एका मोठ्या बाऊलमध्ये उरलेली खिचडी घ्या. त्यामध्ये उकडलेला आणि मॅश केलेला बटाटा, बारीक चिरलेला कांदा आणि कोथिंबीर घाला.

२. मसाले आणि पीठ मिक्स करा-आता या मिश्रणात लाल तिखट, हळद, चाट मसाला आणि चवीनुसार मीठ टाका. बाइंडिंग आणि कुरकुरीतपणासाठी ३ ते ४ चमचे तांदळाचे पीठ किंवा बेसन घाला. सर्व मिश्रण हाताने व्यवस्थित एकत्र मळून घ्या (पाणी वापरण्याची गरज पडणार नाही).

३. कटलेटचा आकार द्या-हाताला थोडेसे तेल लावा. तयार मिश्रणाचे छोटे-छोटे गोळे करून त्यांना गोल किंवा टिक्कीसारखा (कटलेट) आकार द्या.

४. शॅलो फ्राय करा-गॅसवर पॅन किंवा तवा गरम करायला ठेवा. त्यावर २ चमचे तेल टाका. तयार केलेले कटलेट्स तव्यावर ठेवा आणि मध्यम आचेवर दोन्ही बाजूंनी छान गोल्डन ब्राऊन आणि क्रिस्पी होईपर्यंत शॅलो फ्राय (भाजून) घ्या.

हे गरमागरम आणि कुरकुरीत खिचडी कटलेट्स टोमॅटो केचअप किंवा पुदिन्याच्या हिरव्या चटणीसोबत नाश्त्याला सर्व्ह करा. कोणाला कळणारही नाही की हे उरलेल्या खिचडीपासून बनवले आहेत!

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik