ठाण्यात दुग्धजन्य पदार्थाच्या दुकानाला भीषण आग
महाराष्ट्रातील ठाणे शहरात एका दुग्धजन्य पदार्थाच्या दुकानाला सोमवारी रात्री भीषण आग लागली. अशी माहिती समोर आली आहे. दुकान पूर्णपणे उद्ध्वस्त झाले असून सुदैवाने कोणतीही जीवितहानी झाल्याचे वृत्त नसल्याचे अधिकारींनी सांगितले.
मिळालेल्या माहितीनुसार ठाणे महानगरपालिकेच्या आपत्ती व्यवस्थापन कक्षाचे प्रमुख यासीन तडवी यांनी सांगितले की, दिवा परिसरातील साबेगाव रोडवरील शाळेजवळ असलेल्या एका दुकानात रात्री भीषण आग लागली आणि काही वेळातच आगीने संपूर्ण दुकानाला वेढले. तसेच सुदैवाने या घटनेत कोणीही जखमी झाले नसल्याचे त्यांनी सांगितले.
या घटनेची माहिती मिळताच अग्निशमन दलाचे कर्मचारी, आपत्ती व्यवस्थापन कक्षाचे पथक, वीजपुरवठा कंपनीचे अधिकारी आणि पोलीस घटनास्थळी पोहोचले. व अग्निशमन दलाच्या जवानांनी पहाटे आग आटोक्यात आणल्याचे अधिकारींनी सांगितले. दुकान आणि तीन रेफ्रिजरेटरसह सर्व साहित्य पूर्णपणे जळून खाक झाल्याची माहिती समोर आली आहे. तसेच पोलीस आग लागण्याचे कारण काय याचा तपास करीत आहे.
Edited By- Dhanashri Naik
