मुंबई मध्ये मुलाला सरकारी नोकरी देण्याच्या बहाण्याने महिलेची 10लाखांना फसवणूक
मुंबई मध्ये सरकारी नोकरीच्या नावाखाली फसवणुकीचे प्रकरण समोर आले आहे. एका आईने आपल्या मुलाला सरकारी नोकरी लागावी म्हणून आपले दागिने विकून दहा लाख रुपये दिले. यानंतर मुलाने एका वर्षभर सफाई कर्मचारी म्हणून नोकरी केली. नंतर समजले की सरकारी नोकरी देण्याच्या बहाण्याने आई मुलाची फसवणूक झाली आहे.
मिळालेल्या माहितीनुसार एक महिला आणि मुलाने केलेल्या तक्रारीवरून मुंबईच्या माहीम पोलीस स्टेशनने तीन जणांविरुद्ध फसवणूक प्रकरण नोंदवले आहे.
मुंबई मध्ये राहणारी एक महिला आपल्या मुलाला सरकारी नोकरी लागावी म्हणून 2014 मध्ये आपले दागिने विकले होते. एका नातेवाईकाच्या सांगण्यावरून त्या तीन जणांच्या संपर्कात आल्या. मुलाला सरकारी नोकरी लागावी म्हणून या महिलेने तीन जणांना दहा लाख रुपये दिले. त्यानंतर त्यांना सांगण्यात आले की, त्यांच्या मुलाला मुंबईच्या बीकेसी मध्ये अल्मेडा चौकाजवळ सफाई कर्मचारी म्हणून नोकरीवर ठेवण्यात येईल.
असे सांगण्यात येते आहे की, या महिलेच्या मुलाने एक वर्षभर तिथे काम केले, एवढेच नाही तर त्याला नकली आयकार्ड देण्यात आले. पण पगार मिळाला नाही. या महिलेने चौकशी केली असता तिला सांगण्यात आले की, तुमची फसवणूक झाली आहे. या महिलेने सामाजिक कार्यकर्त्यांच्या मदतीने सात वर्षानंतर पोलीस स्टेशनमध्ये आपली तक्रार नोंदवली. पोलिसांनी तक्रार नोंदवून घेत तीन जणांना अटक केली आहे व पुढील तपास सुरु आहे.
Edited By- Dhanashri Naik
