Central Railway Mega Block प्रवाशांनो, कृपया नोंद घ्या! रविवारी मध्य रेल्वेच्या या तीन मार्गांवर मेगा ब्लॉक
रविवारी मुंबईतील मध्य रेल्वेच्या मेन लाईन आणि ट्रान्स-हार्बर लाईनवर मेगा ब्लॉक लागू करण्यात येणार असून, याचा परिणाम माटुंगा-ठाणे आणि ठाणे-वाशी मार्गावरील लोकल ट्रेन सेवांवर होईल.
रविवारी मध्य रेल्वेच्या उपनगरीय मार्गांवर प्रवास करणाऱ्यांसाठी ही बातमी महत्त्वाची आहे. मध्य रेल्वेच्या मुंबई विभागात, विविध अभियांत्रिकी आणि देखभाल कामांसाठी रविवारी मेन लाईनवरील माटुंगा आणि मुलुंड स्थानकांदरम्यान आणि ट्रान्स-हार्बर लाईनवरील ठाणे आणि वाशी स्थानकांदरम्यान मेगा ब्लॉक लागू करण्यात येणार आहे. याचा परिणाम लोकल ट्रेन्सवर होईल. मेन लाईनवरील माटुंगा आणि मुलुंड स्थानकांदरम्यान अप आणि डाऊन फास्ट लाईन्सवर सकाळी ११:०५ ते दुपारी ३:४५ पर्यंत हा ब्लॉक लागू राहील.
Edited by-Dhanashri Naik
