कोटा येथे शिव मिरवणुकी दरम्यान भीषण अपघातात 14 मुले होरपळली
राजस्थानमधील कोटा शहरात महाशिवरात्रीनिमित्त काढण्यात आलेल्या शिव मिरवणुकीदरम्यान हा अपघात झाला. हायपरटेन्शनच्या वायर मुळे 14 मुले होरपळली . एका मुलाची प्रकृती चिंताजनक आहे. सर्व मुलांना रुग्णालयात दाखल करण्यात आले आहे.
दुपारी 12.30 च्या सुमारास कुन्हडी थर्मल चौकाजवळ हा अपघात झाला. शिव मिरवणुकीत अनेक लहान मुलांनी धार्मिक झेंडे घेतले होते. यावेळी एका झेंड्याचा हायटेन्शन वायर ला स्पर्श झाला. त्यामुळे हा अपघात झाला. या घटनेनंतर अचानक गोंधळ उडाला. मुलांना तातडीने रुग्णालयात नेण्यात आले. तेथील एका मुलाची प्रकृती चिंताजनक आहे. प्रशासनही सक्रिय झाले आहे. अपघाताची माहिती मिळताच वैद्यकीय पथकाला सतर्क करण्यात आले. जखमी मुलांच्या नातेवाईकांनी रुग्णालयात पोहोचलेल्या आयोजकांना मारहाण केली.
एक मूल 70 टक्के तर दुसरे 50 टक्के भाजले आहे. उर्वरित मुले 10 टक्के भाजली. मुलांचे वय नऊ ते 16 वर्षे असल्याचे सांगण्यात येत आहे. घटनेची माहिती मिळताच लोकसभा अध्यक्ष ओम बिर्ला हेही रुग्णालयात पोहोचले. ही घटना अत्यंत दु:खद असल्याचे त्यांनी सांगितले. हे का घडले याचा तपास केला जाईल.
Edited by - Priya Dixit
