भाजपचे सम्राट चौधरी आज बिहारमध्ये मुख्यमंत्रीपदाची शपथ घेणार

BY: वेबदुनिया न्यूज टीम

Publish: Wed, 15 Apr 2026 (10:39 IST) Updated: Wed, 15 Apr 2026 (10:43 IST)

बिहारचे राजकारण आज एका ऐतिहासिक वळणावर आहे. भारतीय जनता पक्षाचे नेते सम्राट चौधरी सकाळी ११ वाजता पाटणा येथील लोक भवनात मुख्यमंत्रीपदाची शपथ घेणार आहे. बिहारमध्ये प्रथमच भाजपचे नेते मुख्यमंत्रीपदाची सूत्रे स्वीकारणार आहे. या मोठ्या राजकीय बदलामुळे राजधानीत उत्साहाचे वातावरण आहे आणि सर्वांचे लक्ष शपथविधी सोहळ्याकडे लागले आहे.

राज्याच्या राजकीय इतिहासात एक नवीन अध्याय जोडला जाणार आहे, कारण सम्राट चौधरी आज बिहारचे मुख्यमंत्री म्हणून शपथ घेणार आहेत. बिहारमध्ये प्रथमच भाजपच्या हातात थेट सत्तेची सूत्रे येणार आहे.पाटणा येथील लोक भवनात सकाळी ११:०० च्या सुमारास होणारा हा भव्य सोहळा  पार पडणार आहे.

पूर्वी नितीश कुमार यांच्या नेतृत्वाखाली जेडीयूचे एक मुख्यमंत्री आणि भाजपचे दोन उपमुख्यमंत्री असायचे. आता चित्र उलटले आहे. भाजपच्या मुख्यमंत्र्यांसोबत जेडीयूचे दोन उपमुख्यमंत्री असतील. विजेंद्र प्रसाद यादव आणि विजय कुमार चौधरी आज उपमुख्यमंत्रीपदाची शपथ घेण्याची शक्यता आहे.

तसेच केंद्रीय मंत्री जे. पी. नड्डा, शिवराज सिंह, बिहार भाजपचे ज्येष्ठ नेते, एनडीएचे सर्व ज्येष्ठ नेते शपथविधी सोहळ्याला उपस्थित राहणार अशी माहिती समोर आली आहे.
Edited By- Dhanashri Naik