संबंधित माहिती
- ISIS मॉड्यूलचा पर्दाफाश, दिल्ली आणि भोपाळमधून दहशतवाद्यांना अटक
- स्वामी चैतन्यनंद स्वामींना 14 दिवसांची न्यायालयीन कोठडी सुनावली
- दिल्लीच्या ताज हॉटेलनंतर मॅक्स रुग्णालयाला बॉम्बची धमकी, शोध मोहीम सुरु
- मुंबईत मोठा दहशतवादी कट उघडकीस, दोन दहशतवाद्यांना अटक
- दिल्ली उच्च न्यायालयात बॉम्बस्फोटाची धमकीचा मेल
दिल्ली बॉम्बस्फोट अपडेट: लाल किल्ला 3 दिवसांसाठी बंद
दिल्ली स्फोट अपडेट: सोमवारी संध्याकाळी दिल्लीतील लाल किल्ला मेट्रो स्टेशनजवळ झालेल्या स्फोटात नऊ जणांचा मृत्यू झाला आणि बारा जण जखमी झाले. स्फोटानंतर दुसऱ्या दिवशी म्हणजे आज सकाळी सुरक्षा यंत्रणांनी तपास अधिक तीव्र केला. लाल किल्ला तीन दिवसांसाठी जनतेसाठी बंद करण्यात आला आहे.
11/11/2025 ते 13/11/2025 पर्यंत तीन दिवसांसाठी लाल किल्ला पर्यटकांसाठी बंद करण्यात आला आहे. लाल किल्ला मेट्रो स्टेशन आणि लाजपत राय मार्केट देखील बंद करण्यात आले आहे. संपूर्ण परिसराला घेराव घालून तपासणी करण्यात आली आहे.
दिल्ली पोलिसांनी अधिक्षक पुरातत्वशास्त्रज्ञांना लिहिलेल्या पत्रात लाल किल्ला तीन दिवसांसाठी बंद ठेवण्याचे आदेश दिले होते. पत्रात म्हटले आहे की 10/11/2025 रोजी दिल्लीतील लाल किल्ला चौकाजवळील नेताजी सुभाष मार्गावर कार बॉम्बस्फोट झाला.
दिल्ली पोलिसांनी मंगळवारी बेकायदेशीर क्रियाकलाप (प्रतिबंध) कायदा (UAPA) च्या कलम 16 आणि 18 अंतर्गत गुन्हा दाखल केला. दिल्ली पोलिस अनेक ठिकाणी छापे टाकत आहेत. विमानतळ, रेल्वे स्थानके आणि बस टर्मिनल्सवर कडक नजर ठेवण्यात येत आहे.
Edited By - Priya Dixit
