जगातील दुसर्‍या क्रमांकाचे थंड ठिकाण भारतात

एरवी पाशाचात्त्य लोक भारताला उष्ण देश समजत असतात. मात्र, याच उष्ण देशात जगातील दुसर्‍या क्रमांकाचे सर्वात थंड ठिकाणही आहे. या ठिकाणाचे नाव आहे द्रास. जम्मू- काश्मीरमध्ये हे द्रास नावाचे ठिकाण आहे. कारगिल जिल्ह्यातील या छोट्याशा शहराची मोठी ओळख आहे. हिवाळ्यात द्रासचे तापमान उणे 45 अंश सेल्सिअसपर्यंत उतरते. 1995 मध्ये द्रास येथे उणे 60 अंश सेल्सिअस अशा नीचांकी तापमानाची नोंद झाली होती.