Elvish Yadav:पार्ट्यांमध्ये साप आणि त्यांचे विष पुरवायची एल्विशची धक्कादायक कबुली

बिग बॉस विजेता आणि प्रसिद्ध यूट्यूबर एल्विश यादवला 14 दिवसांची न्यायालयीन कोठडी सुनावण्यात आली आहे. नोएडा पोलिसांच्या पथकाने रविवारी एल्विश यादवला चौकशीसाठी बोलावले होते. ज्यानंतर त्याला अटक करण्यात आली.एल्विशने पोलिसांसमोर आपला गुन्हा कबूल केला आहे. एल्विश यादवने सापाचे विष मागवल्याची कबुली दिली आहे. एल्विश इतर आरोपींच्या संपर्कात होता. दुसरीकडे, एल्विशच्या याचिकेवर आज न्यायालयात सुनावणी होऊ शकली नाही. कारण नोएडामध्ये वकिलांचा संप सुरू आहे. 

पोलिस तपासादरम्यान एल्विश यादवने काही लोकांच्या संपर्कात असल्याची कबुली दिली. पोलिसांनी एल्विशचे लोकेशन आणि सीडीआरही दाखवला. तसेच, चौकशीदरम्यान एल्विशनेही साप आणि विषाची बाब मान्य केली. एल्विश पोलिसांच्या प्रश्नात अडकला. नोएडा पोलिसांनी 29 एनडीपीएस कायदा लागू केला आहे. या प्रकरणात आरोपीला किमान 20 वर्षांची शिक्षा होण्याची शक्यता आहे. या कायद्यानुसार जामीन सहजासहजी मिळत नाहीएल्विश यादवसह सहा जणांवर सापाचे विष पुरवल्याप्रकरणी गुन्हा दाखल केला होता. यानंतर पोलिसांनी या प्रकरणी चार सर्पमित्रांसह अन्य एकाला अटक केली. आता याप्रकरणी पोलिसांनी एल्विश यादवला अटक केली आहे. आता कोतवाली सेक्टर-20 पोलीस या प्रकरणाचा तपास करत आहेत. नोएडा झोनचे एडीसीपी मनीष कुमार मिश्रा यांनी सांगितले की, पोलिसांनी एल्विश यादवला अटक केली असून त्याला ग्रेटर नोएडा येथील जिल्हा आणि सत्र न्यायालयात हजर करण्यात आले आहे. सुनावणीनंतर न्यायालयाने एल्विश यादवला 14 दिवसांची न्यायालयीन कोठडी सुनावली.

 Edited by - Priya Dixit