गोवा नाईटक्लब मॅनेजरला अटक, मालकाविरुद्ध अटक वॉरंट जारी
गोव्यातील अर्पोरा या पर्यटन क्षेत्रात लागलेल्या भीषण आगीत मृतांचा आकडा 25 वर पोहोचला आहे. जखमी झालेल्या सुमारे सहा जणांना रुग्णालयात दाखल करण्यात आले आहे.
गोव्यातील अर्पोरा गावात शनिवारी रात्री एक मोठी दुर्घटना घडली. उत्तर गोव्यात शनिवारी रात्री एका नाईट क्लबमध्ये भीषण आग लागली, ज्यात 25 जणांचा मृत्यू झाला. सिलिंडरच्या स्फोटामुळे ही दुर्घटना घडल्याचे वृत्त आहे. या दुःखद घटनेनंतर मुख्यमंत्री प्रमोद सावंत यांनी घटनास्थळी भेट दिली आणि चौकशीचे आदेश दिले.
उत्तर गोव्यात एका नाईटक्लबमध्ये लागलेल्या आगीत 23 जणांचा गुदमरून मृत्यू झाला तर 2 जणांचा जळून मृत्यू झाला. उत्तर गोव्यातील अर्पोरा येथील 'बर्च बाय रोमियो लेन' नावाच्या नाईटक्लबमध्ये लागलेल्या आगीत एकूण 25 जणांचा मृत्यू झाल्याचे पोलिस प्रवक्त्यांनी सांगितले. पोलिसांच्या म्हणण्यानुसार, मृतांमध्ये चार पर्यटक आणि 14 नाईटक्लब कर्मचाऱ्यांचा समावेश आहे, तर इतर सात जणांची ओळख पटलेली नाही. दरम्यान, 'बर्च बाय रोमियो लेन' नाईटक्लबच्या व्यवस्थापकाला अटक करण्यात आली आहे.
Edited By - Priya Dixit
