संबंधित माहिती
- Video वैतागून ऑफिसमध्ये सोडला साप
- Veg Biryani Recipe: घरच्या घरी स्वादिष्ट व्हेज बिर्याणी बनवा, रेसिपी जाणून घ्या
- Hyderabad News: पार्किंगमध्ये झोपलेल्या चिमुरडीला कारने चिरडले
- Donne Biryani: घरीच बनवा चविष्ट डोने बिर्याणी रेसिपी, जाणून घ्या
- आजोळमध्ये मंगळ ग्रह मंदिर असल्याचा अभिमान - चित्रपट अभिनेत्री सायली पाटील
हैदराबाद: बिर्याणीसाठी जादा दही मागितल्याबद्दल ग्राहकाला मारहाण, मृत्यू
हैदराबाद: एका ग्राहकाने बिर्याणीसाठी जादा दही मागितल्यानंतर हैदराबादमधील रेस्टॉरंटमध्ये रेस्टॉरंटच्या काही कर्मचाऱ्यांनी त्याला मारहाण केली, परिणामी ग्राहकाचा मृत्यू झाला. पोलिसांनी सोमवारी ही माहिती दिली. पोलिसांनी सांगितले की, रविवारी रात्री ही घटना घडली जेव्हा 30 वर्षीय व्यक्ती आपल्या तीन मित्रांसह एका रेस्टॉरंटमध्ये जेवणासाठी गेला होता. त्याने सांगितले की, बिर्याणी खाताना त्याने जादा दही मागितल्यावर ग्राहक आणि काही हॉटेल कर्मचाऱ्यांमध्ये बाचाबाची झाली. पोलिसांनी दिलेल्या माहितीनुसार, ग्राहक आणि रेस्टॉरंटमधील एका कर्मचाऱ्याने एकमेकांना मारहाण केल्याचा आरोप आहे.
एका पोलीस अधिकाऱ्याने सांगितले की, वाद वाढत गेल्यावर दोन गटांमध्ये हाणामारी झाली, त्यानंतर पोलीस हॉटेलमध्ये पोहोचले. त्यानंतर ग्राहक आणि हॉटेल कर्मचाऱ्यांनी एकमेकांविरुद्ध पुंजागुट्टा पोलिस ठाण्यात तक्रार दाखल केली.
अधिकाऱ्याने सांगितले की, मारहाणीनंतर ग्राहकाला कोणतीही मोठी दुखापत झाली नाही, परंतु त्याला उलट्या होऊ लागल्या आणि तो पोलिस ठाण्यातच खाली पडला.
त्यांनी सांगितले की, नंतर त्याला रुग्णालयात नेण्यात आले, तेथे डॉक्टरांनी त्याला मृत घोषित केले. त्याला रुग्णालयात नेण्यास विलंब झाल्याचा आरोप मृताच्या कुटुंबीयांनी केला आहे.
शवविच्छेदनानंतरच मृत्यूचे नेमके कारण स्पष्ट होईल, असे पोलिसांनी सांगितले. सध्या याप्रकरणी खुनाचा गुन्हा दाखल करण्यात आला असून तपास सुरू आहे.
