कोलकाता प्रकरण: शवविच्छेदनाचा अहवालात महिला डॉक्टरचा मृत्यू गळा आवळून झाल्याचे उघड

कोलकात्याच्या आरजी कार मेडिकल कॉलेज आणि हॉस्पिटलमध्ये महिला डॉक्टरवर बलात्कार करून हत्या केल्याप्रकरणी पोस्टमॉर्टम रिपोर्ट समोर आला आहे. अहवालानुसार, डॉक्टरांच्या मृत्यूचे मुख्य कारण हाताने गळा दाबणे हे आहे. 9 ऑगस्टच्या शवविच्छेदन अहवालात डॉक्टरांच्या शरीरावर 16 बाह्य आणि 9 अंतर्गत जखमा असल्याचे नमूद करण्यात आले आहे. 

या अहवालात बलात्काराची शक्यता वर्तवण्यात आली होती. 16 बाह्य जखमांमध्ये चेहरा, ओठ, नाक, घसा, हात आणि गुडघ्यावर ओरखडे आणि खाजगी भागावर जखमा आढळल्या. तर नऊ जखमा अंतर्गत जखमांमध्ये सूचीबद्ध आहेत. यामध्ये कवटी, मान आणि शरीराच्या इतर भागांच्या स्नायूंना झालेल्या दुखापतींचा समावेश होता.

शव विच्छेदनाच्या अहवालात महिला डॉक्टरच्या मृत्यूमागे एकापेक्षा अधिक लोकांचा समावेश असल्याचे समोर आले होते. आरजी कार हॉस्पिटलच्या सेमिनार रूममध्ये 9 ऑगस्टला महिला डॉक्टरचा मृतदेह आढळून आला होता. प्राथमिक तपासानंतर हे प्रकरण कोलकाता पोलिसांकडून केंद्रीय अन्वेषण विभागाकडे सोपवण्यात आले. कोलकाता उच्च न्यायालयाने याबाबत आदेश जारी केला होता.

Edited by - Priya Dixit