सिमेंट कारखान्यात मोठा अपघात, स्लॅब कोसळल्याने 3 कामगारांचा मृत्यू

Madhya Pradesh News:  मध्य प्रदेशातील पन्ना येथे सिमेंट प्लांट युनिटमध्ये स्लॅब कोसळल्याने मोठी दुर्घटना घडली आहे. प्लांटच्या बांधकामाधीन भागात छताचा स्लॅब टाकला जात असल्याचे सांगण्यात येत आहे. यादरम्यान, सेंटरिंग कोसळल्याने 3 कामगारांचा मृत्यू झाला आणि 50 लोक जखमी झाले. पन्नाचे एसपी साई कृष्ण एस थोटा यांनी फोनवरून घटनेची पुष्टी केली आणि सांगितले की, आतापर्यंत ढिगाऱ्यातून बाहेर काढता आलेल्या चौदा जखमींना कटनी जिल्हा रुग्णालयात पाठवण्यात आले आहे.

मिळालेल्या माहितीनुसार पन्ना पोलिस अधीक्षकांनी पुढे सांगितले की, बचाव पथक घटनास्थळी उपस्थित आहे ज्यामध्ये पन्ना जिल्ह्यातील आठ पोलिस ठाण्यांचे कर्मचारी आणि जिल्ह्यातील एसडीई आरएफचा समावेश आहे. यासोबतच छतरपूर आणि दमोह येथील बचाव पथकांनाही घटनास्थळी पाचारण करण्यात आले आहे. या अपघातात अधिक जीवितहानी होण्याची शक्यता कमीच आहे, परंतु बचावकार्य अजूनही सुरू आहे.

Edited By- Dhanashri Naik