फुटबॉल मॅच चालू असताना मोठा अपघात, 50 जण जखमी, आयोजकांवर गुन्हा दाखल
मंगळवारी संध्याकाळी केरळमधील मल्लापुरम जिल्ह्यातील अरीकोड भागातील एका स्टेडियममध्ये झालेल्या सेव्हन्स फुटबॉल सामन्यादरम्यान फटाक्यांचा स्फोट झाल्याने 50 हून अधिक लोक जखमी झाले, असे पोलिसांनी सांगितले. जखमींपैकी दोघांना रुग्णालयात दाखल करण्यात आले आहे. उपचार घेत असलेल्या इतर लोकांच्या जखमा गंभीर नाहीत. आता बुधवारी पोलिसांनी आयोजकांविरुद्ध गुन्हा दाखल केला आहे.
पोलिसांनी दिलेल्या माहितीनुसार, सामन्याच्या अगदी आधी फटाके फोडले जात असताना ही घटना घडली. जेव्हा फटाके फुटले तेव्हा ते जमिनीजवळ बसलेल्या प्रेक्षकांमध्ये पडले, ज्यामुळे अनेक लोक जखमी झाले. घटनेची माहिती मिळताच पोलिसांनी घटनास्थळी धाव घेत परिस्थिती नियंत्रणात आणली.
पोलिसांनी सांगितले की, आयोजकांवर भारतीय दंड संहितेच्या कलम 288 (स्फोटक पदार्थाबाबत निष्काळजीपणा) आणि 125 (ब) (इतरांच्या जीवाला किंवा वैयक्तिक सुरक्षेला धोका निर्माण करणारे कृत्य) अंतर्गत गुन्हा दाखल करण्यात आला आहे.
Edited By - Priya Dixit
